Delivery boy kinuyog, sinaksak ng 3 magkakapatid sa Malabon
- Published on April 20, 2022
- by @peoplesbalita
ISANG 38-anyos na water delivery boy ang sugatan matapos pagtulungan kuyugin at saksakin ng tatlong magkakapatid na kapitbahay niya sa Malabon City, kamakalawa ng madaling araw.
Ginagamot sa Tondo Medical Center sanhi ng tinamong saksak sa mukha at hiwa sa likod na bahagi ng leeg ang biktimang si Joel Parola alyas “Negro”, ng 300 Sitio 6, Brgy. Catmon.
Sa report nina PSSg Ernie Baroy at PSSg Mardelio Osting kay Malabon police chief Col. Albert Barot, dakong alas-12:30 ng madaling araw nang maganap ang insidente sa 290 Sitio 6, Brgy. Catmon matapos akusahan ng mga suspek na sina Jhon Michael Nabelon, 22, Marlon Nabelon, 28 at Martin Nabelon, 29, pawang residente sa Sitio 6, ang biktima na nambato sa kanilang bahay.
Lumabas ang biktima sa kanyang bahay upang itanggi ang akusasyon subalit, pinagtulungan siyang kuyugin ng mga suspek na armado ng basag na bote.
Matapos ang insidente, isinugod ang biktima ng kanyang kaanak sa nasabing pagamutan habang naaresto naman ng rumespondeng mga tauhan ng Malabon Police Sub Station 4 si Jhon Michael at narekober ang ginamit na basag na bote.
Patuloy naman ang follow-up operation ng pulisya laban sa dalawa pang nakatakas na mga suspek. (Richard Mesa)
-
Koleksyon mula sa WISP, pumalo sa P35.84B
PUMALO na sa P35.84 billion ang kabuuang member savings collection mula sa Workers’ Investment and Savings Program (WISP). Ang nasabing koleksyon ay mula sa 4.9 milyong miyembro ng pension fund sa panahon ng pangalawang taon ng implementasyon ng programa. Sa isang kalatas, sinabi ni SSS president at CEO Rolando Ledesma Macasaet na ang savings collection […]
-
SYLVIA, napagod at muntik nang sumuko dahil sa mga taong nanakit at nanglait; nawala ang pangamba dahil sa ‘Diyos’
PINOST ni Sylvia Sanchez sa kanyang FB page ang red carpet event na magagangap ngayong hapon na hatid ng Star Magic. Post niya, “It’s a red carpet day with your favorite Kapamilya stars this Friday at 3 PM. “Witness this new notch on their careers as Arjo Atayde, Maymay Entrata, Edward […]
-
Pacquiao todo kayod na sa ensayo
Dalawang linggo na lamang bago ang laban kaya’t todo ensayo na si eight-division world champion Manny Pacquiao para sa laban nito kay Errol Spence Jr. sa Agosto 21 (Agosto 22 sa Maynila) sa T-Mobile Arena sa Las Vegas, Nevada. Naglabas pa ng video si Pacquiao upang ipakita sa mga fans nito ang bilis […]