DHSUD, pinagana ang regional emergency shelter clusters sa gitna ng pananalasa ni ‘Carina’
- Published on July 26, 2024
- by @peoplesbalita
INATASAN ng Department of Human Settlements and Urban Development (DHSUD) ang lahat ng regional directors na maghanda ng emergency shelters para sa mga residente na tiyak na madi-displaced dahil sa mataas na tubig-baha at iba pang matinding epekto ng bagyong “Carina”.
Sinabi ni DHSUD Secretary Jose Rizalino Acuzar, isang memorandum ang ipinalabas para paganahin ang regional shelter clusters bilang tugon sa epekto ng weather disturbance.
“This is to ensure readiness of the cluster teams to respond to shelter needs of typhoon-affected areas. We are always ready to provide assistance to our affected kababayan,” ayon kay Acuzar.
Ang aktibasyon ng pinaganang shelter clusters ay tugon sa advisory mula sa Philippine Atmospheric, Geophysical and Astronomical Services Administration (Pagasa) hinggil sa malakas na pagbagsak ng ulan sa Kalakhang Maynila, Region 3 at ilang bahagi ng Region 1, 2, 4A, 4B at 5 na maaaring magresulta ng pagbaha at landslides.
Ang kautusan ay iniatas sa DHSUD Regional Offices 1, 2, 3, 4B, 6, 7, 9, 10, 11, 12 13, Cordillera Administrative Region at National Capital Region.
Sa kabilang dako, sinabi ni DHSUD Undersecretary for Disaster Response Randy Escolango na ang regional offices ay inatasan na mahigpit na i-monitor ang kani-kanilang ‘areas of jurisdiction’ at kung kinakailangan ay bilisan ang emergency response at humanitarian assistance.
“The regional directors, are enjoined to coordinate with the respective shelter cluster members within their regions and convene using all available means,” anito.
“We need to ensure that affected families have enough resources and safe shelter. Our regional offices will lead the consolidation of validated reports from the ground so we can take appropriate actions. Secretary Acuzar made it clear that DHSUD must provide the needs of affected families in a timely manner,” ayon pa rin kay Escolango.
At upang matiyak ang ‘real-time reporting at corresponding actions’ ay sinabi ni Escolango na inaatasan ang regional directors na magsumite ng araw-araw na situational report.
Tinatayang daan-daang pamilya ang apektado at napilitan na umalis ng kanilang tahanan dahil sa mataas na tubig-baha dulot na malakas na pag-ulan sa mga nakalipas na ilang araw. (Daris Jose)
-
11 sabungero timbog sa tupada sa Navotas, Valenzuela
UMABOT sa labing-isang indibidwal ang nadakma ng mga awtoridad isinagawang anti-illegal gambling operation sa magkahiwalay na lugar sa Valenzuela at Navotas Cities. Ayon kay PMSg Julius Mabasa, nakatanggap ng impormasyon mula sa concerned citizen ang District Special Operation Unit ng Nothern Police District (DSUO-NPD) sa ilalim ng pangangasiwa ni PLt. Col. Jay Dimaandal […]
-
Contract packages ng Metro Manila subway nilagdaan
SINAKSIHAN ni President Ferdinand E. Marcos ang paglagda sa contract packages para sa pagtatayo ng Metro subway na siyang magiging isang solusyon sa nararanasang traffic ng mga mamayan sa Metro Manila. Sinabi President Marcos na ito na ang pagkakataon upang ang mga pamilya ay magkaron ng quality time dahil sa mababawasan na […]
-
Utang ng Pilipinas ‘record-high’ na naman sa P13.64 trilyon nitong Oktubre
TUMUNTONG na sa P13.64 trilyon ang “outstanding debt” ng gobyerno ng Pilipinas sa pagtatapos ng Oktubre 2022, bagay na nangyayari sa gitna ng 14-year high inflation rate at kontrobersyal na panukalang Maharlika Wealth Fund. Ito ang ibinalita ng Bureau of Treasury, Miyerkules, matapos madagdagan ng P124.92 bilyon ang halagang hiniram ng gobyerno. Nasa 0.92% pag-akyat […]