• June 24, 2024
  • Ang Diyaryong Pinagkakatiwalaan

DILG nag-init sa galit: Ban vs tricycle, pedicab sa highways

NAGLABAS ng kanyang galit sa mga “pasaway” tsuper ng tricycle at pedicab si Department of the Interior and Local Government (DILG) Secretary Eduardo Año dahil sa patuloy nilang pag-iral sa mga national highway kahit matagal na itong ipinagbabawal ng batas.

 

Dahil dito ay inatasan ni Año ang mga local chief executive na magtatag ng ‘tricycle task force’ na bubuo ng ‘tricycle route plan’ sa ilalim ng Memorandum Circular 2020-036 sa kani-kanilang nasasakupan na dapat isagawa sa loob ng 30 araw pagkalabas nito.

 

Ginawa ng kalihim ang kautusan na nagbabawal sa mga tricycle, pedicabs, motorized pedicabs at habal-habal na dumaan sa main at national highways bunsod na rin ng road clearing operations kung kaya’t idinidiin ito sa mga lokal na pamahalaan.

 

“Matagal na nating ipinagbawal ang tricycles at pedicabs sa national highway ngunit ang daming pasaway,” sabi ni Año.

 

Aniya, dapat nang maging mahigpit ang mga mayor at pulis at siguruhing maipapatupad ang pagbabawal sa mga ito sa lansangan.

 

Babala ng kalihim, ang hindi susunod na LGUs sa kanyang direktiba ay iisyuhan ng show cause order na magsisilbing ‘ground’ para sampahan ng kasong administratibo na maaaring ikasibak nila sa posisyon.

 

Saklaw ng hihigpitan ang mga sasakyang tricycle, motorized pedicab at pedicab sa kahabaan ng nasabing mayorya na kalsada.

 

Tuloy niya, “Hindi lang ito nakasasagabal sa daan kundi nagiging sanhi rin ng sakuna sa kalye. Kaya dapat nang maging mahigpit ang mga mayor at ang pulis at siguruhing maipapatupad ang ban na ito.”

 

Pwede ang mga tricycle at pedicab sa mga national highway kung ito na lamang ang natitirang daan para sa kanila, ngunit hindi lahat ng dumadaan dito ay nasa tama. Meron pa rin bumabagtas dito bilang “shortcut” sa kanilang mahabang ruta.

 

Ang batas na nagtatakda dito ay ang Memorandum Circular 2007-01: “For safety reasons, no tricycles or pedicabs will operate on national highways utilized by 4-wheel vehicles greater than 4 tons and where normal speed exceed 40 KPH. However, the SP/SB may allow if there is no alternate route.”

 

Ang kautusan ay nagawa noong 2007, ngunit makalipas ang 13 taon, patuloy pa rin ang pagsaway dito ng ilan.
Ayon sa World Health Organization (WHO) noong 2016, 43% ng mga aksidente sa kalsada sa Southeast Asia mula sa mga two o three-wheeled vehicle.

 

Taong 2016, matatandaang naitala ang 2,658 disgrasya kaugnay ng mga tricycle, ayon kay John Juliard Go ng WHO Philippines.

Other News
  • Pangulong Duterte, hinikayat ang simbahan na suspendihin ang Traslacion 2022, misa

    HINIKAYAT ni Pangulong Rodrigo Roa Duterte ang suspensyon ng mass gatherings, kabilang na ang tradisyonal na Traslacion at misa para sa Itim na Nazareno, dahil sa patuloy na tumataas na kaso ng COVID-19 infections sa bansa.     “Itong procession na ito, it’s a very important event for the Roman Catholic Church. Now, I have […]

  • Inflation rate ng PH, maaaring pumalo sa 4.3%

    MAAARING  pumalo sa 4.3% ang inflation rate sa Pilipinas ngayong taon.     Sinabi ni Bangko Sentral ng Pilipinas (BSP) Governor Benjamin Diokno, mas mataas ito sa target na dalawa hanggang apat na porsyento lamang.     Pero sa darating na 2023, inaasahang bababa na ang inflation rate sa 3.6%.     Ang paiba-ibang datos […]

  • 2020 Thunderbird Challenge, ilalarga

    ITATAMPOK ang mga matagumpay at bagong sumisikat na mananabong ng North Luzon at Metro Manila sa Thunderbird Pampanga Challenge 2020 na nakatakda sa Porac Cockpit Arena sa Mayo 20.   Lahat ng maging regional qualifier ang mga hahamon sa Thunderbird National Endorser na kinabibilangan nina Abraham Mitra, Sonny Lagon, Nene Abello, Eddiebong Plaza, Nestor Vendivil, […]