• May 27, 2024
  • Ang Diyaryong Pinagkakatiwalaan

DOH: 8,764 healthcare workers infected; 58 patay sa COVID-19

Aabot na sa 8,764 ang bilang ng mga health care workers sa Pilipinas ang tinamaan ng COVID-19, ayon sa Department of Health (DOH).

 

Batay sa data ng ahensya, as of September 16, mayroon nang 8,068 na ang gumaling at 58 ang namatay na, mula sa nasabing total.

 

Ang mga active cases o nagpapagaling pang infected medical frontliners ay nasa 638, na binubuo ng 56% na mga mild, 39.3% na mga asymptomatic, 3.1% severe, at 1.6% na nasa kritikal ang kondisyon.

 

Ayon sa World Health Organization (WHO), isa mula sa pitong kaso ng COVID-19 na inire-report sa kanila ang healthcare worker.

 

“Globally around 14% of COVID cases reported to the WHO are among health workers and in some countries it’s as much as 35%,” ani Dr. Tedros Adhanom Ghebreyesus, director general ng WHO.

 

Kaya naman apela ng international organization sa mga estado, palakasin ang kanilang mga polisiya na nagbibigay ng proteksyon sa mga healthcare workers, lalo na sa usapin ng mental health.

 

Hindi rin umano dapat mawalan ng access sa mga personal protective equipment at training ang medical frontliners para matiyak ang kanilang kaligtasan sa trabaho.

 

“We all owe health workers an enormous debt, not just because they have cared for the sick, but because they risk their own lives in the line of duty.”

 

Nababahala ang WHO, dahil lumabas sa kanilang hiwalay na pag-aaral na isa mula sa apat na healthcare workers ang nakakaranas ng anxiety at depression. Habang isa mula sa tatlong healthcare workers ang may insomnia.

 

Ayon kay Ghebreyesus, may obligasyon ang bawat pamahalaan na siguruhing ligtas at maayos ang lagay ng kanilang mga health workers.

 

Una nang sinabi ng Health department ng Pilipinas na mas maraming benepisyo na ang aasahan ng healthcare workers sa ilalim ng pinirmahan na Bayanihan to Recover as One Act.

Other News
  • 60% ng mga Pilipino, pabor sa Sim card registration – Social Weather Stations

    LUMALABAS sa survey mula sa Social Weather Stations (SWS) na majority o 60% ng mga Pilipino ang pabor sa SIM Card Registration law.     Mula sa survey ng SWS nasa 17% ng respondents naman ang tutol habang nasa 23% ang undecided.     Sa 60%, 32% dito ang strongly approve habang nasa 29% naman […]

  • Ads October 15, 2021

  • Gilas Pilipinas practice para sa fourth window ng FIBA World Cup Asian qualifiers

    DINALUHAN ng ilang mga manlalaro ng PBA ang unang araw ng ensayo ng Gilas Pilipinas bilang paghahanda sa 4th window ng FIBA World Cup 2023 Asian Qualifier.     Isinagawa ang ensayo sa Meralco Gym sa Ortigas Avenue sa Lungsod ng Pasig kung saan dumalo si Gilas coach Chot Reyes kasama sina Barangay Ginebra San […]