DOJ: Extradition ni Teves, maaantala pa
- Published on September 20, 2024
- by @peoplesbalita
INAASAHANG maaantala pa ang extradition o pagbabalik sa Pilipinas kay dating Negros Oriental representative Arnolfo Teves, Jr.
Ipinaliwanag ng Department of Justice (DOJ) na kinakailangan pa kasing dumaang muli sa panibagong proceedings ang extradition case ni Teves sa Timor Leste bilang resulta ng procedural objections na isinagawa ng mga abogado nito.
Ayon naman kay DOJ Assistant Secretary Mico Clavano, sa nasabing panibagong pagdinig, ang mga parehong ebidensiya laban kay Teves ay ipiprisinta muli, ngunit sa pagkakataong ito ay sa harap naman ng tatlong hukom.
Sa kabila nito, kumpiyansa ang DOJ na pareho rin ang magiging resulta ng panibagong proceedings at sa lalong panahon ay mapapauwi sa Pilipinas ang pinatalsik na mambabatas upang harapin ang inihaing multiple murder charges laban sa kanya.
Si Teves ang itinuturong utak sa pagpatay kay dating Negros Oriental governor Roel Degamo sa loob mismo ng kanyang tahanan, na ikinasawi rin ng siyam katao pa.
Sa kanyang panig, tiniyak naman ni DOJ Secretary Jesus Crispin Remulla na anumang taktika ang gamitin ni Teves ay hindi nito mahahadlangan ang kanilang determinasyon na maibalik siya sa Pilipinas upang panagutan ang mga kinakaharap na kaso. (Daris Jose)
-
Organon: Championing Women’s Health at Every Life Stage
IN THE dynamic landscape of healthcare, one area that is often overlooked and under-prioritized is women’s health. This is particularly significant considering that women constitute a substantial portion of the workforce and considered the backbone of society. In the Philippines, the labor force consists of over 50 million Filipinos aged 15 years and older, with […]
-
Ads April 24, 2021
-
50 milyong syringe vs COVID-19, nasayang
Ibinisto ni Foreign Affairs Secretary Teodoro Locsin Jr., na pinalampas umano ng pamahalaan ang pagkakataong makakuha ng 50 milyong heringgilya. Sa twitter account ni Locsin, sinabi nito na tinalakay sa Washington DC ang pangangailangan para sa mga heringgilya subalit tumanggi ang mga ahensiya ng Pilipinas na pag-usapan ang mga detalye tungkol dito. […]