Dominanteng COVID-19 variant na sa mundo ang ‘Stealth Omicron’
- Published on March 31, 2022
- by @peoplesbalita
DOMINANTENG variant na ng COVID-19 sa buong mundo ang ‘stealth Omicron’ o ang BA.2, na nagbabanta ngayon na naging dahilan ng panibagong ‘surge’ sa mga bansa sa kanluran kabilang ang Estados Unidos.
Ayon sa World Health Organization (WHO), nirerepresenta ngayon ng BA.2 ang 86% ng lahat ng kasong isinailalim sa ‘genome sequencing’ sa mundo. Mas nakahahawa pa ito kaysa sa ibang variant ng Omicron na BA.1 at BA.1.1, ngunit hindi naman umano nagdudulot ng malubhang pagkakasakit base sa mga nakalap na ebidensya.
Mas hindi rin epektibo ang mga bakuna laban sa BA.2 hindi tulad ng orihinal na variant na Alpha. Bumabalik naman umano ang proteksyon sa booster jab, na lalong makakapagpa-iwas sa pagkakaospital at pagkasawi.
Muling isinisisi ang pagtaas ng BA.2 variant sa pagsirit ng kaso nito sa China partikular sa Hong Kong na umabot na sa mga bansa sa Europa tulad ng Germany at United Kingdom.
Sa datos ng UK at Denmark, maaring maimpeksyon muli ng BA.2 ang mga taong una nang tinamaan ng ibang variant tulad ng Delta. Ngunit maliit na ebidensya naman ang nakalap sa muling pagkaka-impeksyon ng BA.2 sa mga taong unang tinamaan ng BA.1 variant.
Ayon sa mga siyentipiko, ang pananalasa ng BA.2 sa ilang mga bansa ay kasabay ng hindi na pagsusuot ng facemask ng publiko habang marami pa rin ang hindi nagpapabakuna o kulang sa dose ng bakuna. (Daris Jose)
-
Malakanyang, hindi sigurado kung ilalabas ni PDU30 ang drug list bago ang 2022 polls
HINDI sigurado ang Malakanyang kung ilalabas ni Pangulong Rodrigo Roa Duterte ang listahan ng narco-politicians bago pa ang May 9, 2022 national at local elections. “On whether the Chief Executive would release a list of candidates involved in illegal drug trade, we cannot second guess the President in this regard,” ayon kay acting […]
-
PBBM, inaprubahan ang P27.92-B project para sa ‘resilient at responsive’ healthcare system
INAPRUBAHAN ni Pangulong Ferdinand Marcos Jr., ang flagship program na muling magtayo ng ‘resilient at responsive’ healthcare system ng Department of Health’s (DOH). Ang programa ng Pilipinas, tinawag na Health System Resilience Project, Phase 1, naglalayon na gawing mahusay ang ‘health emergency prevention, preparedness, and response’ sa mga vulnerable areas sa bansa. Bilang […]
-
Hidilyn Diaz-Naranjo gagawa ng ingay sa World Championships
PILIT na idadagdag ni 2020+1 Tokyo Olympics gold medalist Hidilyn Diaz-Naranjo ang isa pang kasaysayan sa asam na mailap na medalya sa pagbabalik nito sa aktibong kompetisyon sa pagsabak sa 2022 International Weightlifting Federation World Championships sa Bogota, Columbia. Naunang dumating ang Filipino Olympic champion sa Bogota, Colombia kasama ang asawa at coach na […]