DOTr: BBM pinalawig ang libreng sakay sa EDSA Carousel
- Published on July 6, 2022
- by @peoplesbalita
BINIGYAN ng go-signal ni President Ferdinand Marcos, Jr. ang pagpapatuloy ng libreng sakay sa EDSA Carousel bus rides hanggang katapusan ng taon.
Pinalawig pa ang pagbibigay ng libreng sakay upang mabawasan ang nararanasan na financial burden ng mga consumers mula sa pagtaas ng mga presyo ng mga pangunahing bilihin at serbisyo dahil sa patuloy na pagtaas ng presyo ng produktong petrolyo sa merkado.
“The President signed the memorandum drafted by the Department of Transportation (DOTr), which said it considered the availability of the budget for service contracting under the 2022 General Appropriations Act for the extension of the free bus rides that started in April,” wika ng DOTr.
Kasama rin sa nasabing memorandum ang pagbibigay ng libreng sakay sa Metro Rail Transit Line 3 (MRT3), Light Rail Transit Line 1 at Philippine National Railways (PNR) na magsisimula ngayon August kapag nagbukas na ang face-to-face na klase ng mga paaralan.
Nasa ilalim din ng nasabing memorandum na tinatapos na ang pagbibigay ng libreng sakay sa mga pasahero ng MRT 3. Kinakailangan gawin ito sapagkat sa ngayon ang MRT 3 fare ay heavily subsidized na ng pamahalaan.
Ang nasabing libreng sakay naman sa mga rail lines ay magsisimula sa August. 22 hanggang November 4 para lamang sa mga estudyante. Wala pa naman konkretong mechanics ang nilalabas ng DOTr para sa pagpapatupad ng nasabing libreng sakay.
Inaasahan ng Department of Education na may mahigit kumulang sa 38,000 na mga paaralan ang magbubukas ng face-to-face classes ngayon darating na pasukan.
“The move will ease the burden of rising living expenses on Filipino families and help them save money – especially with the return of face-to-face classes after more than two years,” dagdag ng DOTr.
Ang libreng sakay sa MRT 3 ay nakatulong sa mahigit na 28.62 million na pasahero na sumakay mula noong March hanggang June 30 kung saan nagsimulang tumaas ang presyo ng mga pangunahing pangangailangan ng mga tao lalo na ang pagkain.
Gumastos ang DOTr ng mahigit na P500 million para sa programang pagbibigay ng libreng sakay sa mga pasahero ng MRT 3.
Samantala, pinahayag din ng DOTr na wala munang mangyayari pagtataas ng pamasahe sa MRT 3. Sa ngayon ang MRT 3 fare ay mula P13 hanggang P28. Ang mga senior citizens ay binibigyan ng 20 porsientong discount.
“These fares are currently subsidized by the rail management. For example, you pay P28, that is not the actual fare. It is even doubled,” saad ni MRT 3 general manager Michael Capati. LASACMAR
-
JANINE at RAYVER, kumpirmadong hiwalay na at walang ‘third party’; aabangan kung madi-develop kina PAULO at JULIE ANNE
NAKALULUNGKOT naman na totoo at kumpirmadong hiwalay na sina Janine Gutierrez at Rayver Cruz. Ayon sa lumabas na balita, isang buwan na raw na magkahiwalay sina Janine at Rayver, na ang rason ay nawalan ng oras sa isa’t-isa, pero wala naman tinuturong third party sa break-up ng magkasintahan. At dahil na sa kaganapan sa […]
-
Ibinahagi ang mga gustong i-delete sa past niya: NADINE, nag-react sa naging komento nang nagpakilalang ‘motivational speaker’
HINDI nga pinalampas ni Nadine Lustre ang mga komento ni Rendon Labador na nagpakilalang motivational speaker, matapos ungkatin ng ilang netizens ang lumang interview sa kanya ni Edward Barber. Isang simpleng ‘grimace emoji’ ang tugon ni Nadine nang i-retweet niya ang screenshots ng comment ni Rendon. Isang Twitter user ang nagbahagi rin […]
-
Balik-showbiz na after ng term as Congresswoman: VILMA, looking forward na makagawa ng teleserye or movie kasama ng new breed of actors
MUKHANG magbabalik na ulit sa showbiz ang Star for All Seasons na si Ms. Vilma Santos. Hindi tatakbo si Ate Vi sa anumang posisyon sa darating na eleksyon. Tatapusin na lang daw niya ang kanyang pagiging congresswoman hanggang May 2022. “This year, election year, I took a backseat. Hindi muna ako […]