• April 15, 2024
  • Ang Diyaryong Pinagkakatiwalaan

Duque sa mandatory na pagsuot ng face shield: ‘We are guided by science and evidence’

Dinepensahan ni Health Sec. Francisco Duque III ang utos ng Inter-Agency Task Force on Emerging Infectious Diseases (IATF-EID) na nagma-mandatong magsuot na ng face shield ang publiko sa lahat ng pagkakataon, lalo na kung nasa labas ng bahay.

 

“We are guided by science and evidence,” ani Duque sa press briefing nitong Miyerkules.

 

Inulan ng reklamo at kristismo mula sa ilang indibidwal at grupo ang paghihigpit pa ng pamahalaan sa paggamit ng face shield, sa gitna ng lumuluwag na panuntunan ng ibang bansa laban sa COVID-19.

 

Nakasaad sa IATF Resolution No. 88 na kakambal ng pagsusuot ng publiko sa face masks, ay ang pagsusuot din ng face shield kapag nasa pampublikong lugar.

 

“Whenever they go out of their residences, pursuant to the existing guidelines issued by the national government,” ayon sa Section 8 ng Omnibus Guidelines on the Implementation of Community Quarantine.

 

Iginiit ni Duque na mismong mga health experts at scientists ang nagsabi na 99% protektado sa banta ng COVID-19 infection ang sabayang pagsu-suot ng face mask, face shield, at pagsunod sa tamang distansya.

 

Pero ayon sa United States Centers for Disease Control and Prevention (US CDC), hindi nila inirerekomend ang pagsusuot ng face shield dahil wala pang malinaw na ebidensyang kaya nitong proteksyonan mula sa coronavirus ang indibidwal na magsusuot nito.

 

“Face shields have large gaps below and alongside the face, where your respiratory droplets may escape and reach others around you. At this time, we do not know how much protection a face shield provides to people around you.”

 

Sa kabila nito, umapela ang Health secretary sa publiko na panatilihin ang pagsunod sa minimum health standards para maiwasang mahawaan ng COVID-19 lalo na ngayong holiday season.

 

“Huwag tayo mapapagod kasi ang COVID hindi napapagod, hindi nagbabakasyon kapag Pasko at hindi natatakot kapag nagpaputok sa Bagong Taon.”

 

“Kapag hindi natin sinunod ang panuntunan ng DOH sa minimum health standard name-meligro ang ating pamilya.”

Other News
  • Experience the thrill of “Aquaman and the Lost Kingdom” in IMAX, 4DX, and Uptown Tempur Cinemas till January 7

    AQUAMAN fans, get ready for an underwater adventure like no other! The much-anticipated sequel, “Aquaman and the Lost Kingdom,” starring the charismatic Jason Momoa, continues to make waves in cinemas. This holiday season, from December 25 to January 7, immerse yourself in the stunning visuals and gripping storyline in IMAX theaters, 4DX, and the luxurious […]

  • WANTED SA PANANAKIT SA KA-LIVE-IN NA BUNTIS, ARESTADO SA MALABON

    ISANG lalaking wanted dahil sa pananakit sa kanyang walong buwan buntis na live-in partner ang arestado ng mga tauhan ng Warrant and Subpoena Section (WSS) sa Malabon City, kamakalawa ng gabi.     Ayon kay Malabon police chief P/Col. Albert Barot, si Rickman Serafin, 30 ng Blk 14G, Lot 14, Teacher’s Village, Brgy. Longos ay […]

  • IRONMAN 70.3 Puerto Princesa daragsain ng mga lokal, dayuhan

    MAGARANG pakikipagsapalaran sa magandang isla ng bansa at hindi pa nalalapastangan ng mga tao ang naghihintay sa mga endurance racer sa IRONMAN 70.3 Puerto Princesa na kakaripas sa Linggo Nobyembre 13.     Una para sa kabisera ng Palawan, may pinakamalinis na kapaligiran sa bansa, na magdaraos ng premier tri-sport na todo suporta lahat para […]