Duterte, nanawagan sa United Nations
- Published on September 24, 2020
- by @peoplesbalita
Nanawagan si Pangulong Rodrigo Duterte ng pantay na pag-access sa COVID-19 vaccine.
Sa kanyang virtual speech sa United Nations General Assembly (UNGA), sinabi nito habang maraming bansa ang nagkukumahog na makagawa ng bakuna laban sa COVID-19 ay dapat maging available ito sa mga mahihirap na bansa gaya ng Pilipinas.
Dapat ring maikonsidera itong “global public good.”
Mahalaga aniya ngayon na magtulong-tulong ang mga bansa para malabanan ang coronavirus pandemic na nananalasa sa buong mundo.
“The world is in the race to find a safe and effective vaccine,” pahayag pa ng Pangulo sa kanyang 20 minuto na talumpati. “When the world finds that vaccine, access to it must not be denied nor withheld. It should be made available to all, rich and poor nations alike, as a matter of policy.”
“The Philippines joins our partners in the ASEAN and the Non-Aligned Movement in raising our collective voice: the COVID-19 vaccine must be considered a global public good. Let us be clear on this,” dagdag pa ng Pangulong Duterte. “The Philippines values the role that the United Nations plays in its fight against the pandemic. As a middle-income country whose economic advances have been derailed by the pandemic, we welcome the launch of the UN COVID Response and Recovery Fund,”
Samantala ang 75th session ngayon ng UNGA ay merong tema na, “The Future we want, the United Nations we need: reaffirming our collective commitment to multilateralism – confronting COVID-19 through effective multilateral action.”
Ang mga world leaders ay inabisuhan na magpadala ng kanilang pre-recorded videos at mga talumpati para i-broadcast ito ng live mula sa UN headquarters sa New York.
Ang UNGA ang siyang pangunahing deliberative body ng United Nations kung saan ang lahat ng 193 na mga bansa ay may kumakatawan. (Daris Jose)
-
Pitong NBA players, positibo sa Covid
Pitong NBA players, kasama si Denver Nuggets All-Star center Nikola Jokic, ang nagpositibo sa coronavirus o mas kilala sa tawag na Covid-19. Tanging si Jokic lang sa pitong manlalaro ang pinangalanan sa mga nagpositibo at ngayo’y naka-quarantine sa Serbia, ayon sa ulat. Bukod kay Jokic, dalawa pang miyembro ng Phoenix Suns ang naitalang […]
-
Riding-in-tandem na walang helmet, buking sa baril sa Malabon
BINITBIT sa selda ang dalawang lalaki nang mabisto ang dalang baril makaraang masita ng mga pulis dahil kapwa walang suot na helmet habang sakay ng isang motorsiklo sa Malabon City, kahapon ng madaling araw. Kapwa mahaharap sa kasong paglabag sa RA 10054 (Motorcycle Helmet Act of 2009) at RA 10591 (Comprehensive Law on […]
-
JESSICA, pinupuri sa no holds barred interview sa apat na presidential candidates dahil walang pinalampas na isyu
THANKFUL ang former child actor na si Miggs Cuaderno na nagkaroon ng book 2 ang Prima Donnas. He plays the role of Coco in the widely-followed afternoon prime series on GMA. “Siyempre po masaya kasi kasama pa rin po ako as Coco sa season 2 at makakasama ko po ulit ung […]