Eala inspirado kay Nadal
- Published on February 17, 2022
- by @peoplesbalita
SOBRA ang pagkaganado sa ngayon sa pagpapraktis ni Alexandra Eala, ang ating alas sa mga paligsahan sa women’s at junior girl’s singles-doubles ng Women’s Tennis Association (WTA) at International Tennis Federation (ITF).
Ito ay nang makatabi ng 16-anyos, 5-9 ang taas na Pinay netter buhat sa Quezon City ang 21-time Grand Slam men’s singles champion na si Rafael Nadal ng Spain sa isa niyang practice session sa Rafael Nadal Academy (RNA) sa nasabing European country kung saan siya athletic scholar.
Ibinahagi ni Eala, isa ring Globe Ambassador, ang isang video sa kanyang Facebook account Martes habang katabi sa training session ang bagong koronang haring Kastila sa 110th Australian Open 2022.
“Monday morning motivation, practicing on court beside the GOAT! One of the many perks here at the Rafa Nadal Academy!” caption ni Eala, ang reigning WTA No.528 ranked player.
Huling humambalos ang ating kababayan sa W60 Grenoble sa France kung saan nakarating siya sa second round ng main draw pagkayukod kay fourth seeded French Chloe Paquet s 6-4, 5-7, 3-6, nito lang Pebrero 11.
Ito ang pangatlo niyang torneo ngayong 2022 pagkaraan nang sa una at pangatlong leg ng W25 Manacor sa RNA, Spain.
Sumablay si Eala sa W25 Manacor first leg main draw nang matalo sa singles third round qualifying kay No. 1 seed Alice Rame ng France, 6-2, 6-4 noong Enero 18.
Nabigo siya sa W25 Manacor third leg kay No. 5 seed Giulia Gatto-Monticone ng Italy, 6-2, 6-1, sa singles first round main draw. Umabot siya rito at partner sa doubles quarterfinals. Nag-withdraw siya sa second leg dahil sa pananakit ng tiyan. (REC)
-
Barangay Kamuning ‘di isasailalim sa lockdown — Mayor Joy
Wala umanong basehan para isailalim sa lockdown ang Brgy. Kamuning matapos na isang residente dito na galing Dubai ang kaunaunahang na-infect ng UK COVID variant. Ito ang inihayag ni Quezon City Mayor Joy Belmonte kasabay nang pagsasabing hindi na nakarating sa kanyang bahay ang pasyente matapos itong dumating sa bansa dahil agad itong dinala […]
-
SUNSHINE, na-trauma at nag-regret sa ginawang detailed ‘house tour’ para sa vlog
ISA sa mga pinakapumatok na vlog ang ‘house tour’ ng mga sikat na personalidad. Ngunit hindi malayong makatawag ito ng pansin ng mga masasamang-loob, at ang temang ito nga ang ipapakita ng bagong pelikula ni direk Roman Perez, Jr. na siya ring direktor ng Adan (2018), The Housemaid (2021) at Taya (2021). […]
-
JESSY, pinanindigan na ‘di totoong lilipat na sa GMA Network; freelancer kaya puwedeng mag-guest tulad ni XIAN
PINANINDIGAN pa rin ni Jessy Mendiola na hindi totoong lilipat siya sa GMA Network, pero dahil freelancer siya, ay pwede naman siyang mag-guest kahit saang network. Katulad last Wednesday, July 7, nag-guest siya sa Shopee 7.7 TV special at dalawa sila ng kapwa niya dating Kapamilya, si Xian Lim, sa pagho-host ng show. […]