• May 27, 2024
  • Ang Diyaryong Pinagkakatiwalaan

Empress, officially engaged na sa ama ng anak na si Vino Guingona

SIGURO nga, kapag artista ka at lalo na yung passionate talaga sa pag-arte, parang kakambal na nila ang trabaho.

 

Kaya aminado ang Kapuso Primetime Princess na si Barbie Forteza na sobrang na-miss daw niyang umarte.

 

Pagkatapos ngang ma-lockdown ng mahigit anim na buwan, kaka- resume lang nila ng taping para sa primetime series nilang Anak ni Waray vs. Anak ni Biday.

 

Kuwento ni Barbie, “Mayroon isang eksena, mabigat kasi siya, revelation scene siya. One of the many revelation scenes. Tapos maraming eksena din siya, eh. Tatlo o apat na eksenang magkakasunod. Four hog ang tawag namin namin.

 

“After that scenes, kinausap ako ni Direk Mark (dela Cruz) sabi niya, ‘Beh, namiss mo umarte, noh? Kasi raw, parang ang dami kong ginawa sa apat na eksenang yun na wala naman sa script. Ha ha ha! Pero nakakatuwa lang kasi, namiss ko talaga yung ganoon.”

 

Maayos din daw ang naging lock in taping nila. Para lang daw silang bumalik sa dati at kahit paano, nawala sa isip nila ang pandemic.

 

Malapit na nga ang muling pagre-resume rin sa ere ng Anak ni Waray vs. Anak ni Biday tulad ng Descendants of the Sun na tinapos muna ang lahat ng eksena hanggang sa finale episode.

 

*****

 

UMABOT ng limang taon nang maipanganak ng actress na si Empress Shuck ang kanyang anak na si Athalia, heto’t officially engaged na ito sa ama ng anak niya na si Vino Guingona.

 

Walang kamalay-malay si Empress na hindi lang pala ang 5-year old niyang anak ang masu-surprise sa birthday nito, may bonggang surpresa rin pala sa kanya sa Frozen-themed party na inihanda nito sa anak.

 

Kahit na naka-quarantine at walang ibang batang bisita at sila lang pamilya, halatang mahal na mahal ni Empress ang anak. Ang magsuot ng costume ni Elsa at Frozen themed-party ang wish ng bagets sa birthday niya na na-organize naman ni Empress at naluha pa ang anak sa pa-birthday surprise sa kanya ng magulang.

 

Halatang masayang-masaya rin ang bata nang makita namang lumuhod ang daddy niya sabay pakita ng engagement ring at malamang, ang tanong na, “Will You Marry Me?” sa mommy niya.

 

Kung umiyak si Athalia sa birth- day surprise sa kanya, umiyak din si Empress sa supresang pag-proposed ng ama ng kanyang anak.

 

Sabi nga ni Empress sa kanyang Instagram account, “And so this day has become even more special…It’s not just Athalia’s birthday anymore but also a new celebration of God’s intention.

 

“Thank you @vinoguingona for doing it on her birthday and in this special home witnessed by my whole family. Wouldn’t have it any other way. Thank you to my siblings for helping Vino arrange this, to my parents’ blessing.” (ROSE GARCIA)

Other News
  • ‘Di pa hinog comment vs Sotto, pinalagan

    HINDI nagustuhan ni 6x PBA champion Ali Peek ang tila panlalait ng ESPN draft expert na si Jonathan Givony sa Filipino NBA prospect na si Kai Sotto.   Nagtengang kawali naman si Ali at sa sobrang pagkairita ay ‘di nito napigilang mag-react sa social media. @mtnpeek: “What reality check? This is his first time right? […]

  • Pacquiao nagpaparamdam na!

    ISA pang exhibition fight ang niluluto ng kampo ni eight-division world champion Manny Pacquiao na target ganapin sa Enero sa susunod na taon sa Saudi Arabia.     Ito ang inihayag ni Pacquiao sa isang ulat kung saan makakaharap nito si dating sparring partner Jaber Zayani sa Riyadh, Saudi Arabia.     Ngunit nilinaw ni […]

  • METAL BARRIER o BODY SHIELD, KAILANGAN PA BA KUNG ang MAGKA-ANGKAS sa MOTORSIKLO ay MAG-ASAWA o NAGSASAMA?

    Yan ang tanong ng marami sa Lawyers for Commuters Safety and Protection (LCSP). Ayon sa IATF, mukhang ito ang ipatutupad nila para payagan ang angkasan sa panahon ng GCQ. Maski sinasabi pa ng mga eksperto, mga mambabatas at ilang lokal na opisyal, na hindi na kailangan ang barrier sa pagitan ng dalawang magka-angkas sa motor […]