Mga papuri, buhos pa rin sa nurse na tumulong magpaanak sa isang street dweller sa Makati
- Published on August 24, 2020
- by @peoplesbalita
Patuloy pa rin ang buhos ng mga papuri sa isang nurse matapos nitong tulungang manganak ang isang street dweller sa Osmeña Avenue sa Brgy. Bangkal, Makati City.
Ibinahagi ng Bangkal Emergency Response Team sa social media ang mga larawan ng nurse, na napadaan lang sa lugar, noong Martes ng umaga kung kailan nangyari ang panganganak ng homeless.
Sa kwento ng nurse na si Mary Lorraine Pingol, late na raw siya sa trabaho nang tawagin ng barangay rescue team.
Hindi rin naman daw ito nakatanggi lalo pa’t isa siyang nurse na sumumpang tutulungan ang sinumang nangangailangan ng kanilang tulong.
“There’s no other person to help them kundi ako…Saka nurse din naman ako. May sinumpaan kami.” wika ni Pingol.
Aminado naman ang 29-anyos na si Pingol na hindi siya makapagtrabaho ngayon sa ospital dahil nasa remission pa siya sa sakit na leukemia.
Sa ngayon, nagtatrabaho siya bilang nurse sa isang health maintenance organization (HMO). (Daris Jose)
-
BUS OPERATOR NA MANININGIL SA BEEP CARD, PAGMUMULTAHIN –DOTR
PAGMUMULTAHIN ng Department of Transportation (DOTr) ang sinumang bus operator na maniningil ng karagdagang bayad sa Beep card. “Unang-una na papatawan ng penalty dyan is ‘yung bus operators, dahil ‘yun ang kausap namin… Sila ang mananagot kasi sila ang kausap eh. Basta kami sinabi lang namin sa kanila na dapat walang bayaran ng pamasahe […]
-
Mr. Football, Ms. Golf sa PSA award
MAY dalawa pang magagaling na atleta sa katauhan nina Stephan Schrock at Bianca Pagdanganan ang special awardee sa Philippine Sportswriters Association (PSA) sa papasok na buwan. Igagawad kay Schrock ang ng Mr. Football award, habang si Pagdanganan ang unang tatanggap ng Ms. Golf sa SMC-PSA gala night sa Marso 6 sa Centennial Hall ng […]
-
Ads April 19, 2022