Enrollment para sa SY 2023-2024, nananatiling mababa-DepEd
- Published on September 18, 2023
- by @peoplesbalita
NANANATILING mababa ang enrollment para sa kasalukuyang school year.
Base ito sa pinakabagong data mula sa Department of Education (DepEd).
“As of Friday, Sept. 15,” makikita sa data mula sa Learner Information System (LIS) para sa school year 2023-2024 na umabot pa lamang sa 26,895,079 ang kabuuang bilang ng registered students para sa kasalukuyang school year.
Ang tatlong pangunahing rehiyon na may mataas na bilang ng enrollment ay mula sa Region IV-A na may 3,909,872 estudyante, sinundan ng Region III na may 2,955,216 at National Capital Region (NCR) na may 2,777,408.
Sakop ng enrollment data ang mga mag-aaral ng pampubliko at pribadong paaralan sa State Universities and Colleges (SUCs) at Local Universities and Colleges (LUSCs) na nag-aalok ng basic education at iyong nag-enroll sa Philippine schools overseas.
Kabilang din sa enrollment data ang mga nagparehistro sa ilalim ng Alternative Learning System (ALS).
Ayon sa DepEd, mayroong 330, 216 mag-aaral ang rehistrado sa ilalim ng ALS ngayong school year.
Sa kabilang dako, sa isinagawang paglulunsad sa 2023 Oplan Balik Eskwela, sinabi ng DepEd na inaasahan na nito na iwe-welcome ang 28 million learners sa 47,000 schools nito sa buong bansa.
Ang klase para sa SY 2023-2024 ay pormal na nagbukas sa mga pampublikong paaralan sa buong bansa noong Agosto 29.
At nang hingan ng komento ang DepEd bakit mababa ang pigura ngayon ng mga nag-enroll, makailang ulit na sinabi ng departamento na ang enrollment ay isang “running number” and that the agency is anticipating more late enrollees.
Samantala, base sa enrollment data noong nakaraang taon, mahigit sa 28 milyong mag-aaral ang nag-enroll sa basic education. (Daris Jose)
-
Ads October 1, 2021
-
Paghahanda ng ‘legal briefer’ ng DOJ ukol sa ICC warrants, standard procedure lang – Garafil
“THIS is standard procedure, not a change in position,” Ito ang tugon ni Presidential Communications Secretary Cheloy Garafil sa ginagawang paghahanda ng Department of Justice’s (DOJ) na ‘legal briefer’ sa mga legal na opsyon na magagamit ni Pangulong Ferdinand Marcos Jr. sakaling maglabas ng arrest warrant ang International Criminal Court (ICC) laban kay […]
-
Ex-PAL chief Jaime Bautista, napili bilang DOTr chief sa ilalim ng administrasyong Marcos
HINIRANG ni President-elect Ferdinand ‘Bongbong’ Marcos, Jr. ang dalawang outgoing officials mula sa administrasyong Duterte bilang bahagi ng pagpuno sa mga bakanteng posisyon sa kanyang incoming administration. Si Marcos, nakatakdang manumpa bilang ika-17 Pangulo ng Pilipinas sa Hunyo 30, ay pinangalanan sina outgoing Department of Labor and Employment (DOLE) Secretary Silvestre “Bebot” Bello […]