Ex-PAL chief Jaime Bautista, napili bilang DOTr chief sa ilalim ng administrasyong Marcos
- Published on June 25, 2022
- by @peoplesbalita
HINIRANG ni President-elect Ferdinand ‘Bongbong’ Marcos, Jr. ang dalawang outgoing officials mula sa administrasyong Duterte bilang bahagi ng pagpuno sa mga bakanteng posisyon sa kanyang incoming administration.
Si Marcos, nakatakdang manumpa bilang ika-17 Pangulo ng Pilipinas sa Hunyo 30, ay pinangalanan sina outgoing Department of Labor and Employment (DOLE) Secretary Silvestre “Bebot” Bello III bilang Chairman at Resident Representative-designate ng Manila Economic and Cultural Office (MECO).
Itinalaga bilang DOLE Secretary ni Pangulong Duterte noong 2016, dekada ng nasa public service si Bello at nagkaroon na rin ng iba’t ibang posisyon gaya ng Acting Secretary of Justice at kalaunan ay Solicitor General noong 1998 sa panahon ng dating Pangulong Fidel Ramos.
Si Bello ay itinalaga bilang Cabinet Secretary ni dating Pangulong Gloria Macapagal-Arroyo mula 2004 hanggang 2010 at naging party-list Representative mula 2013 hanggang 2016.
Samantala, muli namang ninomina (nominated) ni Marcos si dating Cabinet Secretary Karlo Nograles bilang Civil Service Commission (CSC) Chairman-designate.
Si Nograles ay kabilang sa Duterte ad-interim appointees na na-bypassed bunsod ng kakulangan ng quorum ng Commission on Appointments (CA) nitong buwan ng Hunyo.
Si Nograles, isang abogado, ay naging 1st district Representative ng Davao City sa loob ng 8 taon bago pa siya itinalaga ni Pangulong Rodrigo Roa Duterte sa ilang posisyon sa Executive branch.
Si Nograles ay naging Cabinet Secretary, IATF-IED Spokesperson, Acting Presidential spokesperson, at Chairman ng Inter-Agency Task Force on Zero Hunger.
Kapwa naman makakasama nina Bello at Nograles ang lumalagong “pool of officials” na nananatili mula sa Duterte administration at ngayon ay napili ni President-elect Marcos dahil may magandang track records na makatutulong sa nation-building.
Samantala, napili naman si dating Philippine Airlines (PAL) president at chief operating officer Jaime Bautista ni President-elect Ferdinand “Bongbong” Marcos Jr. bilang incoming Transportation chief sa ilalim ng kanyang administrasyon.
Kinumpirma ito ni incoming Executive Secretary Attorney Vic Rodriguez sa mga mamamahayag.
Papalitan ni Bautista si Arthur Tugade bilang DOTr chief sa pagsapit ng Hunyo 30. (Daris Jose)
-
Kasama sina Ethan at Summer: LJ, ramdam ang happiness sa first Christmas nila ni PHILIP
RAMDAM mo ang happiness kay LJ Reyes nang mag-celebrate ito ng first Christmas kasama ang kanyang mister na si Philip Evangelista. Noong nakaraang Pasko, Mrs. Evangelista na si LJ. Kasama sa Christmas photo nila LJ at Philip ang kanyang mga anak na sina Ethan Akio and Summer Ayana. Mga anak nito […]
-
PDu30, boluntaryong ia-audit ang lahat ng tanggapan sa gobyerno lalo na ang COA
SINABI ni Pangulong Rodrigo Roa Duterte na boluntaryo niyang gagawin ang pag-audit sa lahat ng tanggapan ng gobyerno lalo na sa Commission on Audit (COA) sakali’t manalo siya bilang bise-presidente sa 2022 election. Ang pahayag na ito ni Pangulong Duterte sa kanyang pangalawang Talk to th People, Huwebes ng gabi ay bunsod na rin […]
-
Tanging merit scholarship applications para sa freshmen ang apektado ng fund shortage- CHED
SINABI ng Commission on Higher Education (CHED) na tanging ang bagong aplikasyon para sa merit scholarships sa tertiary level ang apektado ng kakapusan sa pondo. “Ang hindi nalagyan o nagkulang ‘yung pondo ay ang tinatawag naming merit scholarships. Ito ang financial assistance based on grades,” ayon kay CHED Chairman Prospero De Vera. […]