FACESHIELD MANADATORY SA MGA KAWANI NG NAVOTAS
- Published on August 17, 2020
- by @peoplesbalita
IPINAG-UTOS ni Navotas City Mayor Toby Tiangco na mandatory na ang pagsusuot ng face shield sa lahat ng mga empleyado ng pribadong kumpanya pati na rin sa mga kawani ng local na pamahalaan.
Sinabing alkalde na maliban sa pagsusuot ng face mask, karagdagang safety measuresdin ang pagsusuot ng face shield, hindi lamang para sa mga pasahero ng mga pampublikong sasakyan, kundi sa lahat ng mga manggagawa at empleyado sa lugar ng kanilang mga trabaho.
Aniya, batay sa pag-aaral ng mga dalubhasa, nababawasan ng 78% ang tsansang mahawaan tayo ng virus kapag may gamit na face mask at face shield.
“Hangad natin na makatulong ito para mas bumaba pa ang bilang ng mga nahahawaan,” ani alkalde.
Kaugnay nito, namahagi si Navotas City Congressman John Rey Tiangco face mask, disinfection kits at mga safety stickers sa lahat ng mga driver ng tricycle at pedicab na mga miyembro ng iba’t ibang samahan ng mga driver sa lungsod.
Pinayuhan din sila ng mambabatas na palaging i-disinfect ang kanilang mga sasakyan upang maiwasan ang pagkalat ng COVID-19.
Ayon naman sa ulat ng City Health Office hanggang 8:30pm ng August 16, nasa 90 ang nadagdag na nagpositibo kaya’t sumampa na sa 3,798 ang mga tinamaan ng COVID-19 sa lungsod, 1,297 dito ang active cases. 184 naman ang mga bagong gumaling kaya’t 2,392 na ang kabuuang bilang ng mga recoveries habang nanatili naman sa bilang na 109 ang mga namatay. (Richard Mesa)
-
P103K HALAGA NG SHABU, NASAMSAM, 27 PANG TULAK, BINITBIT SA BUY BUST SA CAVITE
TINATAYANG P103K halaga ng shabu ang nasamsam sa pagkakaaresto sa tatlong hinihinalang tulak habang dalawampu’t-pito na iba ang binitbit sa isinagawang buy bust operation sa magkakahiwalay na lugar sa lalawigan ng Cavite . Kinilala ang mga naaresto na sina Emily Valerio y Santos, dalaga, 62 ng 1st St. Sto. Niño, Niog 3, Bacoor […]
-
Takbuhan sa mga kalsada malabo pang makabalik
Extended pa ang General Community Quarantine (GCQ) classification sa National Capital Region (NCR) Plus kasama ang Laguna at Cavite sa ilalim ng ‘heightened restrictions’ hanggang Hulyo 15. Base iyan sa huling pahayag ng Malacañang Palace. Nangangahulugan din itong malabo pa rin talagang makabalik ang road racing o mga patakbo sa mga […]
-
49th MMFF Parade of Stars sinimulan sa Navotas
SINIMULAN ang kick-off program sa Navotas Centennial Park ng 49th Metro Manila Film Festival Parade of Stars na gaganapin sa mga Lungsod ng Caloocan, Malabon, Navotas at Valenzuela (CAMANAVA) sa pangunguna nina Metro Manila Development Authority (MMDA) Acting Chairman, Atty. Don Artes at Navotas Mayor John Rey Tiangco, kasama ang mga sikat na artistang gumaganap sa sampung pelikulang kalahok sa […]