Fernando, hinakayat ang mga Bulakenyo na magparehistro at bumoto
- Published on March 2, 2021
- by @peoplesbalita
LUNGSOD NG MALOLOS– Hinikayat ni Gobernador Daniel R. Fernando ang mga Bulakenyo na magparehistro sa Voters’ Registration ng Commission on Elections na nagsimula noong Pebrero 15 hanggang Setyembre 30, 2021 upang makaboto sa darating na 2022 Presidential Election.
Bagaman hindi sapilitan ang pagboto, sinabi ni Fernando na isa itong tungkuling sibiko at mahalagang bahagi ng ating demokrasya na tutukoy sa hinaharap ng ating bansa.
“Ang pagpaparehistro para makaboto at ang mismong pagboto po ay libre lamang. Walang bayad at walang mawawala sa atin. Pero kung iisipin pong mabuti, ang mga benepisyo nito ay napakalaki at napakalawak. Kaya naman huwag po sana nating panghinayangan ang sandaling oras na ilalaan natin dito dahil bawat isa po sa atin ay may kapangyarihang mag-ambag sa lalong ikauunlad ng ating bansang Pilipinas,” anang gobernador.
Upang makapagparehistro, maaaring bisitahin ng mga Bulakenyo ang https://irehistro.comelec.gov.ph/ o tumungo sa tanggapan ng COMELEC sa kani-kanilang lungsod o bayan.
Pinaalala rin ni Abgd. Mona Ann T. Aldana-Campos, Provincial Election Supervisor ng COMELEC Bulacan, na hinihiling ng IATF na mahigpit na ipapatupad ang mga minimum public health standards at sinabi na kailangan na magsuot ang mga magpaparehistro ng face mask at face shield at magdala ng kanilang sariling itim na ballpen.
Gayundin, binanggit niya na bumisita sa tanggapan ng COMELEC tuwing Martes hanggang Sabado, 8:00 ng umaga hanggang 5:00 ng hapon dahil walang transakyon ang mga tanggapan ng COMELEC tuwing Lunes para sa disinfection. (Bishop Jesus “Jemba” M. Basco)
-
GSIS, mamumuhunan ng $300 milyong dolyar para sa global infrastructure projects
SINABI ng Presidential Communications Office na nakatakdang mag-invest ang Government Service Insurance System o GSIS ng 3 daang milyong dolyar para sa proyektong imprastraktura partikular na may kinalaman sa transport, energy at digitalization. Kasunod na rin ito ng tinintahang kasunduan sa pagitan nina GSIS President, General Manager at Acting Board Chairman Wick Veloso […]
-
Tinalo na ang record ni Elton John: ‘Eras Tour’ ni TAYLOR SWIFT, highest-grossing tour
ANG ‘Eras Tour’ ni Taylor Swift ang puwedeng tawagin na “the highest-grossing tour ever” dahil malapit na itong mag-gross ng $2.2 billion sa North America. Kaya na raw nito matalo ang record ng ‘Farewell Yellow Brick Road Tour’ ni Elton John na nag-gross ng $887 million from 2018 to 2023. […]
-
JASMINE, muling makatatambal si ALDEN sa ‘The World Between Us’
KAPUSO actress Jasmine Curtis-Smith is thankful na despite sa umiiral na pandemya dahil sa Covid-19, na nasa second year na ngayon, ay tuloy pa ring dumarating ang mga offers sa kanya, movies and television man. May bago siyang teleseryeng gagawin sa GMA Network, ang The World Between Us na muli nilang pagtatambalan ni […]