Foreign vessel na bumangga sa mga Pinoy papanagutin – PBBM
- Published on October 6, 2023
- by @peoplesbalita
NANGAKO si Pangulong Ferdinand “Bongbong Marcos Jr. na papanagutin ang foreign commercial vessel na bumangga sa sinasakyang bangka ng mga Pinoy na mangingisda na ikinasawi ng tatlo katao sa Bajo Masinloc, kamakalawa ng madaling araw.
Ayon kay Marcos, gagawin lahat ng pamahalaan ang paraan para mabigyang hustisya ang pagkamatay ng tatlo.
“We assure the victims, their families, and everyone that we will exert every effort to hold accountable those who are responsible for this unfortunate maritime incident,“ pahayag pa ng Pangulo sa kanyang post sa X (dating twitter).
Iginiit pa ng Pangulo na sa ngayon ay nagsasagawa na ang Philippine Coast Guard (PCG) ng back tracking at checking sa lahat ng monitored vessels sa Bajo de Masinloc.
Hahayaan na lamang umano ang PCG na gawin ang kanilang trabaho na mag-imbestiga at iwasan muna ang anumang espekulasyon sa ngayon.
Kasabay nito, nagpahayag naman ng pagkalungkot ang Pangulo sa pagkamatay ng tatlong mangingisda kabilang ang kapitan ng fishing vessel matapos itong banggain ng isang fishing commercial vessel.
Siniguro naman ni Marcos na bibigyan ng suporta at ayuda ang mga biktima ng naturang insidente. (Daris Jose)
-
75k trabaho sa mga Pinoy, nakaabang na sa ngayon- DOLE
TINATAYANG nasa may 75,000 na mga potensiyal na trabaho ang naghihintay sa mga Filipino. Bunga ito ng mga naging pagbiyahe ni Pangulong Ferdinand Marcos Jr. sa labas ng bansa. Sinabi ni DOLE Secretary Bienvenido Laguesma sa press briefing sa Malakanyang na manggagaling ito sa sektor ng enerhiya kabilang na ang renewable […]
-
170,000 Pilipinong botante sa ibang bansa, nakaboto na–Comelec
AABOT na sa 10% o katumbas ng 170,000 ng rehistradong Pilipinong botante sa ibang bansa ang nakaboto na ayon sa Commission on Election (Comelec). Ayon kay Casquejo nasa kabuuang 76,745 katao na ang nakabboto sa Asia Pacific. Nasa 13,462 overseas voters naman ang nakaboto na sa Europe, 83,450 Pilipino ang nakaboto […]
-
2 NAAKTONG NAGSA-SHABU SA LOOB NG KARITON SA NAVOTAS
WALANG kawala ang dalawang lalaki matapos maaktuhan ng mga tauhan ng Maritime police na sumisinghot ng shabu sa loob ng isang kariton sa Navotas City, kamakalawa ng hapon. Kinilala ni Northern NCR Maritime Police Station (MARPSTA) chief P/Major Randy Ludovice ang naarestong mga suspek na sina CJ Ramos, 22, construction worker ng Pinagbuhatan, […]