FRANCINE at SETH, patuloy na nagpapakilig sa ‘My Future You’
- Published on December 28, 2024
- by @peoplesbalita
NITONG December 22, tumanggap na naman ng bagong Parangal sa GAWAD PILIPINO AWARDS 2024 ang mayoralty candidate ng Maynila na si Super Mahra Tamondong. Ito ang HERO AWARD 2024 na kumikilala sa kaniya bilang number one Philanthropist ng City of Manila and empowered woman.
Personal na tinanggap ni Super Mahra ang kanyang award sa Gawad Pilipino na ginanap sa Aberdeen Court.
Kabilang siya sa tumanggap ng Hero Awards na iginawad rin sa malalaking personalidad at politicians gaya ni PAO CHIEF Persida Acosta.
Muli ay iniaalay ni Super Mahra ang parangal na ito sa kapuwa Manilenyo.
“Alam niyo po, ang nararamdaman ko ay hindi para sa aking sarili. Kung hindi nararamdaman ko na po talaga yung pag-angat at tunay na pag-asa para sa Maynila.
“Masaya po akong tanggapin ang isang award, na kinikilala po ang kabutihang loob natin at kagandahan sa ating mga ginagawa. Sapagka’t iba pala, kapag alam mo na merong naka-aapreciate, sa iyo meron pong tumitingin na meron pa ring kumikilala para sa kabutihan.” Say pa ni Super Mahra.
Samantala, kahit may flu ay instead na magpahinga kasama ng kanyang team at line-ups sa 2025 midterm election.
Lumabas pa rin ng kalsada sa iba’t-ibang distrito ng Maynila si Super Mahra, para maghandog ng pamasko sa mga residente at magpakain ng libre.
Dahil sa kilalang loyalista ng Marcos family ay nakatanggap ng Christmas Card si Super Mahra, mula sa ating Pangulong Ferdinand “Bongbong” Marcos.
And she is very flattred sa sweetness at pag-remember sa kanya ni PBBM ngayong holiday season. Lalo raw magpapatuloy ang suporta ni Super Mahra kay PBBM.
Nakasuporta naman sa candidacy ni Super Mahra ang maraming loyalista sa Maynila.
**
ANG FranSeth loveteam nina Francine Diaz at Seth Fedelin ang bagong magpapakilig sa big screen.
Pinatunayan ito ng dalawa sa kanilang very successful Gala Night ng kanilang MMFF movie sa SM Megamall Cinema 2 last Dec.16.
Yes maliban sa dinumog ito ng fans ay dumadagundong ang buong Cinema 2 sa tilian, hiyawan at palakpakan ng mga fans tuwing ipinapakita ang mga eksena ng kanilang iniidolong loveteam na sobra naman talaga kasing magpakilig.
At may pa suspense pa yung movie na dahil sa magkaiba ng panahon ay hindi natutuloy ang dapat sana’y pagtatagpo ng mga character nina Karen(Francine) at Lex(Seth) na nagkakilala sa pamamagitan ng isang dating app.
Paano naman nasa panahon pa ng 2009 si Lex at sa taong 2024 naman itong si Karen.
Basta kakaiba ang plot ng story ng ‘My Future You’, at first time gumawa ng ganitong tema ng pelikula ang Regal Entertainment.
Bonggang-bongga rin ang twist at kuwento nito na pangpamilya kaya bagay na bagay sa Kapaskuhan. Ipinakita rin ng pelikulang ito na kahit gaano man katagal na panahon ang pag-aantay.
Kapag “true love” ang namayani sa bawat isa ay pagtatagpuin pa rin ng tadhana at ganito nga ang nangyari sa FranSeth na nagkita finally sa kilometer zero sa monumento ni Jose Rizal sa Luneta Park.
Parehong mahusay rin ang performance ng dalawa sa first big movie project nilang ito. Litaw na litaw rin ang kagandahan ni Francine, at super gwapo ni Seth sa lahat ng kanyang mga eksena at anggulo, mala-Hollywood actor ang dating niya rito.
Hindi ordinaryong rom-com movie ang ‘My Future You’, may hatid na aral ito sa mga manonood ng pelikula na nagsimula noong December 25.
May nagsasabing sa sampung entries sa 50th Metro Manila Film Festival ay dark horse raw itong ‘My Future You’.
Pero kung pagbabasehan ang malawak na fan base ng FranSeth, sa buong Pinas at yung pagdumog ng mga tao sa isinagawa nilang mall and school tours. Binabati pala namin si Direk Crisanto B. Aquino, at marami ang humahanga at pumupuri sa project niyang ito. I’m sure, masusundan pa ito ng another project.
Si Direk Crisanto rin ang sumulat ng kwento ng ‘My Future You’, na masasabing the best!
Well, supported din ang FranSeth nang pawang mahuhusay sa kani-kanilang mga papel na sina Almira Muhlach, Christian Vasquez, Marcus Madrigal, Bodjie Pascau, Mosang, and Izzy Canillo. As of presstime, ay isa ang pelikulang ito ng Regal Entertainment sa pinililahan sa 50th Metro Manila Film Festival.
Kaliwa’t-kanang ang positive reviews na natatanggap ng ‘My Future You.’
(PETER LEDESMA)
Other News
-
3 TNT staff pinagmulta
TATLONG staff ng Talk ’N Text ang pinagmulta matapos lumabag sa dress code ng Philippine Basketball Association (PBA). Pinadalhan ni PBA commissioner Willie Marcial ng sulat sina Ricardo Santos, Bong Lozano at Bong Tulabot kung saan pinagmulta ang bawat isa ng P1,000. Napag-alaman na naka-shorts lamang sina Santos, Lozano at Tulabot sa laban […]
-
Timberwolves star bumisita kay Pacquiao
Tuloy ang pagdagsa ng mga sports personalities at celebrities sa training camp ni eight-division world champion Manny Pacquiao sa Wild Card Gym sa Hollywood, California. Pinakahuling bumisita si NBA star Karl-Anthony Towns ng Minnesota Timberwolves na personal na pinanood ang isinasagawang ensayo ng Pinoy champion. Nagbigay pa ng jersey si Towns […]
-
‘Online modus’ maaaring dumami pa ngayong holiday season; pulisya, pinag-iingat ang publiko
PINAG-IINGAT ngayon ng pulisya ang publiko sa posibleng paglaganap ng mga online scams lalo na’t nalalapit na ang holiday season. Sa mensahe ni Police Regional Office-7 director police Brigadier General Roderick Augustus Alba, sinabi pa nito na panahon ito na maaaring magsamantalaa ang mga may pakana sa online modus. Kaugnay nito, […]