Fuel subsidy para sa mga magsasaka, mangingisda maaaring ipalabas na
- Published on March 8, 2022
- by @peoplesbalita
MAAARING ipamahagi ng Department of Agriculture (DA) ang fuel subsidy para sa mga magsasaka at mangingisda sa huling linggo ng Marso o unang bahagi ng Abril.
Sinabi ni Agricuture Assistant Secretary Noel Reyes, ang 162,000 corn farmers at fishers ang makikinabang mula sa ₱500-million subsidy. Ang bawat benepisaryo ay makatatanggap ng ₱ 3,000 at ito ay ipamamahagi sa pamamagitan ng debit card.
Ang pahayag na ito ng DA ay bilang tugon sa inaasahang mangyayaring “big-time fuel price hike” sa darating na linggo.
Sinabi kasi ng Unioil Petroleum Philippines na ang presyo ng diesel ay maaaring tumaas ng ₱5.40 hanggang ₱5.50 kada litro at presyo naman ng gasolina ay maaaring tumaas ng ₱3.40 hanggang ₱3.50 kada litro mula Marso 8 hanggang 14.
Nauna rito, sinabi ni Agriculture Secretary William Dar na ang guidelines para sa distribusyon ng fuel subsidy ay nakahanda na subalit hindi pa maipamamahagi ang pondo para rito.
“Itong pamimigay ng fuel subsidy ay may trigger mechanism bago ibigay, dapat ma-reach ‘yung gasoline price na $80 per barrel. Wala pa tayo diyan,” ayon kay Dar.
Samantala, tiniyak naman ng Department of Energy na ang armed conflict sa pagitan ng Ukraine at Russia ay walang direktang epekto sa bansa.
-
Pumunta sa Malaysia para sa isang football event: JUDY ANN, first time nag-biyahe na si LUCHO lang ang kasama
SA kauna-unahang pagkakataon ay bumiyahe abroad ang mag-inang Judy Ann Santos at unico hijo niyang si Lucho Agoncillo. Tumungo sa Kuala Lumpur sa Malaysia, unang beses ito na biyahe nina Judy Ann at Lucho na hindi kasama sina Ryan Agoncillo at ang dalawang anak nilang babae ni Ryan na sina Yohan at Luna. […]
-
Quezon City tinanghal na Most Competitive LGU
SA IKATLONG pagkakataon, itinanghal ang Quezon City government na ‘Most Competitive Local Government Unit’ sa ilalim ng Highly Urbanized Cities category ng Cities and Municipalities Competitiveness Index (CMCI). Taong 2020 nang maging Hall of Famer ang lungsod sa naturang parangal. Nabatid na anim na parangal ang hinakot ng Quezon City government […]
-
PBBM, hindi dadalo sa UNGA 78 sa New York City
HINDI dadalo si Pangulong Ferdinand Marcos Jr. sa 78th session ng United Nations General Assembly (UNGA) mula Setyembre 18 hanggang Setyembre 26 sa New York City. Gayunman, tiniyak ni Department of Foreign Affairs (DFA) Secretary Enrique Manalo na magpapartisipa ang Pilipinas sa UNGA 78 kung saan ay pangungunahan niya ang Filipino delegation na dadalo sa […]