Gentoleo, Navarro matitibay ang tuhod
- Published on March 12, 2020
- by @peoplesbalita
TINANGHAL na mga tigasin sina Joseph Gentoleo at Cherryl Navarro ng kapwa Team Amihan na hari’t reyna sa katatapos na Manila-Bataan 102-Mile Endurance Run 2020 na nilargahan sa Zero Kilometer Post ng Luneta Park sa Maynila at humimpil sa Zero Kilometer Death March Marker sa Mariveles, Bataan.
Ang race cut-off time ay 36 na oras, pero binagtas ng tubong Iloilo na residente ng Parañaque na si Gentoleo, 35, ang makasabog-baga’t makabali-tuhod na karerahan sa loob ng 27 oras at 57 minuto para sa men’s division title. Lumanding na pangalawa sa kawani ng Leslie Corporation sina Ildebrando Yap (30:19) at Gerrit James Galvez (30:20).
Sa women’s side sa event na pinakawalan sa ganap na alas-10:00 nang gabi noong Biyernes, Pebrero 6 at natapos nitong alas-10:00 nang umaga ng Linggo, Marso 8, ang may katulad oras ni Gentoleo na si Navarro, 40, ng Bataan ang nagwagi.
Mga dumaan sa Metro Manila, Bulacan at Pampanga, sorpresa ang panalo ni Navarro dahil sa unang 100 milya pa lang niya karipasang ito.
Sumegunda at tumersera sa kanya sina Maica Santiago (30:10) at Irene Buyuccan (32:40). Ito’y inorganisa ng Endurance Challenge Philippines kung saan ang race director ay si Jonjon Alegre.
Nasa 24 na ultramarathoner ang tumugon sa starting gun at 20 ang finishers. Apat ang mga hindi pinalad na tapusin ang arangkadahan.
-
NA-INFECT SA PNR, UMABOT SA 120
HINDI bababa sa 120 na ang na-infect ng COVID-19 sa kanilang mga tauhan sa Metro Manila, ayon sa pamunuan ng Philippine National Railways (PNR). Ayon kay PNR Spokepserson Joseline Geronimo, naitala ang naturang bilang nang simulant ang COVID-19 testing sa mga empleyado ng PNR batay na rin sa kaustusan ni PNR General Manager Junn […]
-
PVL sunod na target ni Santiago
Aabangan na ang pagbabalik ni Jaja Santiago sa Pilipinas para palakasin ang Chery Tiggo sa Premier Volleyball League (PVL) na inaasahang masisimulan sa Mayo. Galing si Santiago sa impresibong kampanya sa Japan. Tinulungan nito ang Ageo Medics na maibulsa ang korona sa Japan V.League Division 1 V Cup noong Linggo sa […]
-
Malacanang: P3 billion nakalaan sa fuel subsides
TINIYAK ng Malacanang na may nakalaan na P3 billion ang pamahalaan para sa fuel subsidies at discounts sa industriya ng transportasyon upang mabigya ng relief ang maaapektuhan ng pagtaas ng langis at krudo. “Under the GAA or the General Appropriations Act, P2.5 billion is appropriated and to be used to provide financial assistance […]