Gilas Pilipinas coach kukuha ng mga manlalaro mula UAAP at NCAA na sasabak sa FIBA tournaments

PLANO ni Gilas Pilipinas coach Chot Reyes na kumuha ng mga manlalaro mula sa UAAP at NCAA na sasabak sa FIBA tournaments sa buwan ng Hulyo.

Ito ay sa kadahilanan na maraming mga PBA Players ay abala na dahil sa kasagsagan ng 47th season ng Philippine Cup na magsisimula sa Hunyo 5.

Plano ni Gilas Pilipinas coach Chot Reyes na kumuha ng mga manlalaro mula sa UAAP at NCAA na sasabak sa FIBA tournaments sa buwan ng Hulyo.

Makakaharap kasi ng Gilas Pilipinas ang India sa Hulyo 1 at ang New Zealand sa Hulyo 3 sa World Cup qualifiers sa Auckland bago ang pagsabak sa FIBA Asia Cup 2022 mula Hulyo 12 hanggang 24 sa Jakarta, Indonesia.

Aminado si Reyes na labis ang kaniyang pagkadismaya ng talunin sila ng Indonesia sa katatapos na 31st Southeast Asian Games na ginanap sa Hanoi, Vietnam.