Gilas Pilipinas tututok na sa FIBA Asia Cup
- Published on July 6, 2022
- by @peoplesbalita
SESENTRO na ang atensiyon ng Gilas Pilipinas sa kampanya nito sa FIBA Asia Cup na aarangkada sa Hulyo 12 hanggang 24 sa Jakarta, Indonesia.
Magarbong tinapos ng Pinoy squad ang third window ng 2023 FIBA World Cup Asian Qualifiers na ginanap sa Mall of Asia Arena sa Pasay City kung saan pinataob nito ang India sa iskor na 79-63.
Kaya naman lilipat na ang atensiyon ng Gilas Pilipinas sa FIBA Asia Cup at inaasahang madaragdagan pa ang pool sa mga susunod na araw.
Tila malabo nang makapaglaro si Kai Sotto sa koponan dahil wala pa itong kumpirmasyon kung babalik ito sa Pilipinas para makasama ang Gilas squad.
Ayon kay Gilas Pilipinas program director Chot Reyes, hindi sumasagot ang East West Private –ang humahawak sa basketball career ni Sotto –sa komunikasyon ng Samahang Basketbol ng Pilipinas.
“We’re still hoping, but to be very honest, medyo malabo,” ani Reyes.
Dahil dito, ilang key players ang mapapasama sa lineup.
Ilan sa nais ni Gilas Pilipinas head coach Nenad Vucinic na madagdag sina Thirdy Ravena at Bobby Ray Parks Jr. na parehong naglaro sa Japan B.League.
“We are in a situation that we are playing unbalanced as a team. We don’t really have enough size, enough big guys that we can rotate. We are pla-ying William Navarro out of position as a big guy so it is difficult because of the composition of the team,” ani Vucinic.
Pinag-aaralan pang mahugot sina Poy Erram at Kelly Williams ng Talk ’N Text, at Gilas draftee Justin Arana ng Converge.
Ang tatlo ay naglalaro sa kani-kanyang mother team sa ginaganap na PBA Philippine Cup.
Sa FIBA Asia Cup, nasa Pool D ang Pilipinas kasama ang New Zealand, Lebanon at India.
-
Klase sa lahat ng antas sa Bulacan, sinuspinde ni Fernando vs COVID-19
LUNGSOD NG MALOLOS- Sa rekomendasyon ng Provincial Health Office-Public Health at Provincial Disaster Risk Reduction and Management Office, sinuspinde ni Gob. Daniel R. Fernando ang klase sa lahat ng antas sa buong lalawigan ng Bulacan kahapon (Martes) bilang pag-iingat sa banta ng pagkalat ng coronavirus disease, na kilala bilang COVID-19. Ang suspensyon ay alinsunod […]
-
Inbound, outbound mails delay muna – PHLPost
BUNSOD ng ng mga kaso ng Corona Virus Disease o COVID-19, maaantala ang lahat ng inbound at outbound mails o mga sulat mula sa iba’t ibang bansa. Ito ang abiso ng Philippine Postal Corporation o PHLPost sa publiko na naghihintay ng kanilang mga koryo. Partikular na apektado ang mga sulat mula at patungong Mainland […]
-
OES, idinepensa ang hakbang ng OP
IDINEPENSA ng Office of the Executive Secretary (OES) ang naging hakbang ng Office of President (OP) na payagan ang paglilipat ng pondo sa Office of the Vice President (OVP) noong 2022. Sa isang kalatas, sinabi ng OES na inaprubahan ng tanggapan ni Pangulong Ferdinand Marcos Jr. ang pagpapalabas ng P221.424 million sa OVP, […]