Ginamit na campaign materials, maayos na itapon – DENR
- Published on May 14, 2022
- by @peoplesbalita
HINIKAYAT ni Department of Environment and Natural Resources (DENR) Acting Secretary Jim O. Sampulna ang mga kandidato ng 2022 national at local elections na linisin at itapon ng maayos ang kanilang campaign materials alinsunod na rin sa nakasaad sa Republic Act (RA) 9003 o ang Ecological Solid Waste Management Act of 2000.
“Win or lose, these candidates must consider the long-term consequences of their campaign materials in the environment. Therefore, they must encourage their supporters and volunteers to take down these materials, especially those made of plastic, and dispose these properly,” sabi ni Sampulna.
Aniya ang DENR sa pakikipagtulungan na rin ng local government units (LGUs) ay handang tumulong sa Commission on Election (Comelec) upang matiyak na magkakaroon ng resolusyon na mag-aatas sa mga kandidato na tanggalin ang kanilang election materials matapos ang bawat campaign period.
“We will make sure that the existing environmental laws, such as RA 9003, will strengthen the resolution,” dagdag ni Sampulna.
Sinabi rin ni Sampulna sa mga kandidato na buuin ang kanilang grupo upang maglinis ng boluntaryo sa halip na maharap sa posibleng paglabag pagkatapos ng election season.
Inirekomenda rin ni Sampulna ang pagsunod sa recycling at upcycling ng campaign materials upang mabawasan ang mga by-products na dadalhin sa mga dumpsites.
Naglabas na rin ng advisory ang Department of the Interior and Local Government na miyembro ng National Solid Waste Management Commission (NSWMC) sa lahat ng LGUs upang paalalahanan sa mahigpit na pagpapatupad ng mga probisyon sa RA 9003.
-
Kiamco kampeon sa Behrman Memorial 9-Ball
Namayagpag si two-time Asian Games silver medalist Warren Kiamco sa 5th Annual Barry Behr-man Memorial Spring Open 9-Ball na ginanap sa Q Master Billiards sa Virginia, USA. Hindi nakaporma sa tikas ng Cebu City pride si Manny Chau ng Peru matapos itarak ang impresibong 11-5 desisyon sa championship round. Ito ang […]
-
Pinost na birthday photos, tila nang-aakit: MARCO, gustong bumawi sa magandang project dahil naudlot ang pagsikat
TILA nang-aakit si Marco Gumabao sa kanyang nakaraang 28th birthday noong August 14. Pinost ng hunk ang photo niya sa Instagram na nasa swimming pool siya at kita ang kanyang matitigas na abs. Kinunan ang photo habang nasa set siya ng bago niyang pelikula na ‘Baby Boy, Baby Girl’ kunsaan leading lady niya […]
-
Sa pagbabalik-primetime sa kani-kanilang teleserye: Sang’gre na si SANYA, KYLIE at GABBI, binigyang-pugay ng GMA
NGAYONG Saturday, June 11 na ang pagbabalik ng original cast ng GMA comedy show sa “Pepito Manaloto: Tuloy Ang Kuwento.” Ang number one successful comedy show ay nagsimula noong March, 2010, at nagkaroon ng ilang relaunch, until nang magkaroon tayo ng pandemic ay iginawa ito ng prequel, ang Pepito Manaloto: Ang Unang Kuwento, […]