Global FC may rekord sa GAB

MAY bahid na ang rekord sa Games and Amusements Board (GAB) bilang blacklisted ang Global Football Club (GFC) dahil sa hindi pagpapasuweldo sa mga player at empleyado simula pa noong Agosto na umabot na halos P6M.

Inilabas ng GAB ang desisyon nang hindi makapag-esplika si GFC at team manager Mark Jarvis sa mga reklamo sa club na mga tinanggap ng ahensiya ng pamahalaan para sa professional sports.

Nakasaad sa motu proprio complaint na ang tatanggalan ng lisensiya at sususpendihin ang soccer club kung patuloy na hindi aaksiyon ang kanilang atraso sa paglabag.

Sumambulat ang blacklist order sa team nitong Setyembre 9, pero binigyan pa ang club ng tsansa na magpaliwalag na magiging batayan sa ipapataw na kaparusahan ng GAB. Pero hanggang kahapon wala pang nakakarating sa agency. (REC)