Gobyernong Duterte, walang balak magpatupad ng toll sa EDSA
- Published on August 24, 2020
- by @peoplesbalita
WALANG balak ang pamahalaan na magpatupad ng toll sa EDSA sa ilalim ng administrasyon ni Pangulong Rodrigo Roa Duterte.
Kamakailan kasi ay ipinanukala ng isang transportation consultant ang implementasyon ng toll o electronic road pricing sa main thoroughfare.
“Wala pong ganoong initiative sa pamahalaan ni Presidente Duterte. Kung meron man, sa ibang presidente po yun,” ayon kay Presidential Spokesperson Harry Roque.
Sa ulat, ipinaliwanag ni Transportation road sector senior consultant Alberto Suansing na layon ng ahensiya na resolba ang traffic congestion sa EDSA tuwing rush hour, kung saan nararanasan ito mula alas-7 hanggang alas-10 ng umaga at mula alas-4 ng hapon hanggang alas-9 ng gabi.
Dagdag ni Suansing, panukala pa umano ito sa panahon ni dating MMDA Chairman Benjamin Abalos.
“How does it work? Kagaya sa Singapore, mayroong kalsada doon na hindi ka pwedeng dumaan during peak hours. kung dadaan ka, magbabayad ka. as simple as that. ‘Yan ang road pricing,” sabi ni Suansing.
“Dinidiscourage natin ang paggamit ng certain roads at certain times. ‘Yan ang rationale behind that,” sabi pa ni Suansing.
Gayundin, gagamitan ng radio frequency identification (RFID) ang paniningil ng toll fee, ayon kay Suansing.
Subalit, binigyang-diin ni Suansing, na kailangan at dapat na ayusin muna ang pampublikong transportasyon sa bansa, bago ito maipatupad sa ngayon.
“Hindi magiging makatwiran sa motorista ‘yan na i-implement, tapos wala ka namang may maio-offer na maayos na alternative. Maayos na public transport system,” ayon kay Suansing.
Samantala, nilinaw ng DOTr sa isang pahayag, na hindi pa pormal na napag-uusapan ng kasalukuyang pamunuan ang iminungkahing toll fee sa EDSA.
“This is an idea/concept suggested by various stakeholders, but has not been formally discussed yet by the present DOTr administration,” ayon sa statement.
Kaugnay nito, binasura naman ng Department of Transportation, sa ilalim ng liderato ni Sec.Arthur Tugade ang nasabing proposal.
Samantala, pinalagan ng ilang motorista ang iminungkahi ng gobyerno na paglalagay ng toll gate sa EDSA tuwing rush hour.
Mariing tinututulan ng mga motorista ang pagkakaroon ng toll fee, pati na rin mga pasahero dahil anila, dagdag na gastos at pahirap na naman ito lalo na’t unti-unti pa lang nakababawi sa pamumuhay ang karamihan sanhi ng pandemya ng coronavirus. (Daris Jose)
-
Posible kayang mag-join sa Miss Universe PH?: GABBI, kinagiliwan ng netizens ang pag-a-ala-beauty queen
HINANGAAN ng marami ang pagiging supportive father ni Jestoni Alarcon sa anak na si Angela Alarcon dahil tinulungan niya itong makahanap ng tamang match sa EXpecially For You segment ng ‘It’s Showtime.’ Inamin ni Angela na very strict daw ang kanyang daddy pagdating sa mga manliligaw niya. Mensahe ni […]
-
Nasaid ang savings at wala ng pangkain: ABDUL, malaki ang pasasalamat sa ginawang pagtulong ni DENNIS
MARAMI ang hindi nakakaalam, pero malaki pala ang pasasalamat ni Abdul Rahman sa Kapuso actor na si Dennis Trillo. Kung matatandaan, dumating na sa punto si Abdul during pandemic na na-stroke ang nanay niya, nasaid ang savings niya at talagang humingi na ito ng tulong pinansiyal. At that time, nagkasama sina Abdul at Dennis sa […]
-
Batas na maghahati sa QC barangay sa 3, “nag-lapse into law”
“NAG-LAPSED into law’ ang isang batas na maghahati sa Barangay Pasong Putik sa Quezon City sa tatlong “distinct and independent barangays” na walang pirma si Pangulong Rodrigo Roa Duterte. Sa bisa ng Republic Act No. (RA) 11803, mahahati ang Barangay Pasong Putik sa Barangay Pasong Putik Proper, Barangay Greater Lagro, at Barangay North […]