Gold kay Junna Tsukii
- Published on May 5, 2021
- by @peoplesbalita
Pinalakas ni national karateka Junna Tsukii ang kanyang pag-asang makasipa ng tiket para sa 2021 Olympic Games sa Tokyo, Japan.
Ito ay matapos talunin ni Tsukii si Moldir Zhangbyr-bay ng Kazakhstan, 2-0 sa final round ng women’s -50 kilogram kumite at angkinin ang gold medal sa 2021 Karate 1 Premier League noong Linggo ng gabi sa Lisbon, Portugal.
Ipinagmalaki ng Fil-Japanese ang kanyang nakamit na gintong medalya sa nasabing torneo ng World Karate Federation (WKF). “Look at my first gold medal in the world calibre stage,” post ng 29-anyos na si Tsukii, gold medalist din noong 2019 Southeast Asian Games, sa kanyang Facebook account. “I would like to thank everyone who have supported me to this point. This medal is for you.”
Nauna nang sinibak ni Tsukii si two-time world champion Alexandra Recchia ng France, 2-0 sa semifinals para labanan si Zhangbyrbay sa finals.
Ito ang unang gold medal ni Tsukii sa world division na nagpatibay ng kanyang tsansang makakuha ng Olympic slot.
Ang top four karatekas sa buong mundo ang awtomatikong mabibigyan ng Olympic berth sa Tokyo.
Si Tsukii ay kasalukuyang nasa No. 10 sa buong mundo at No. 5 sa Asya.
Nakatakdang sumabak si Tsukii sa pinakahuling Olympic qualifying tournament sa Hunyo sa Paris, France kasama sina national teammates Jamie Lim at Joan Orbon.
Bukod kina Tsukii, Lim at Orbon, ang iba pang sasabak sa nasabing Olympic qualifier ay sina Ivan Agustin, Shariff Afif, Alwyn Batican at Jason Macaalay.
Sina 2016 Rio de Janeiro Olympics silver medalist Hidilyn Diaz, pole vaulter Ernest John Obiena, gymnast Carlos Edriel Yulo at boxers Eumir Felix Marcial, Irish Magno, Nesthy Petecio at Carlo Paalam ay pare-parehong qualified na sa Olympics.
-
Serena Williams hindi na maglalaro sa Tokyo Olympics
Nagdesisyon si Serena Williams na hindi ito maglalaro sa Tokyo Olympics. Hindi naman na idinetalye o binanggit ang dahilan ng kaniyang pag-atras sa nasabing torneo. Ang 39-anyos na American tennis star ay nagwagi ng gold medal sa singles titles noong London Olympics sa 2012 at tatlong gold medals sa doubles kasama […]
-
‘Mass layoffs’ ibinabala ng gov’t workers sa planong streamlining ng DBM
PINALAGAN ng isang grupo ng mga empleyado ng gobyerno ang planong “streamlining” ng administrasyon ni Pangulong Ferdinand Marcos Jr., bagay na magdudulot daw ng malawakang kawalang trabaho. Miyerkules nang sabihin ni Budget Secretary Amenah Pangandaman na makakatipid ang gobyerno ng P14.8 bilyon kada taon kung magtatanggal ng 5% ng workforce nito sa ngalan […]
-
Mas nag-concentrate sa hosting at acting: RABIYA, itinangging na-insecure kay FAITH kaya nawala sa ’TiktoClock’
NAGSALITA na si Miss Universe PH 2020 Rabiya Mateo tungkol sa pagkawala niya sa daily variety show ng GMA na ‘TiktoClock.’ May bulung-bulungan na na-insecure daw ito sa co-hosts na si Faith da Silva. Pero pinabulaanan ito ni Rabiya dahil close sila ni Faith. Mas mag-concentrate daw siya sa pag-host sa mga regional […]