Grab rider, 3 pa timbog sa Malabon, Valenzuela buy bust
- Published on April 14, 2023
- by @peoplesbalita
MAHIGIT P.1milyon halaga ng shabu ang nakumpiska sa tatlong umano’y tulak ng ilegal na droga, kabilang ang 39-anyos na Grab rider na naaresto sa magkakahiwalay na buy bust operation sa Malabon at Valenzuela Cities.
Ayon kay Malabon police chief P/Col. Amante Daro, alas-4:50 ng madaling araw nang magsagawa ang mga operatiba ng Station Drug Enforcement Unit (SDEU) sa ilalim ng pangangasiwa ni PCpt Alexander Dela Cruz ng buy bust operation sa P. Aquino Avenue, Brgy. Tonsuya na nagresulta sa pagkakaaresto kay Michael Repolido, 39, grab rider at Ryan Romero, 33, vendor, kapwa ng Caloocan City.
Nakuha sa mga suspek ang humigi’t kumulang 12 grams ng hinihinalang shabu na may standard drug price (SDP) value ng P81,600.00, P500 marked money at coin purse.
Sa Valenzuela, nabitag naman ng mga operatiba ng SDEU ng Valenzuela CPS sa pangunguna ni PCpt Joel Madregalejo sa buy bust operation sa Felipe Suerte St., Fortune 2, Brgy., Gen T De Leon, alas-4:20 ng madaling araw si Harold James Royo, 25, ng Caloocan City.
Ani Valenzuela police chief P/Col. Salvador Destura Jr, nasamsam kay Royo ang nasa 5 grams ng hinihinalang shabu na may SDP value na P34,000, buy bust money na isang tunay na P500 bill at 15-pirasong P500 boodle money at isang motorsiklo.
Samantala, narekober naman kay Lito Horillo, 55, ng Caloocan City ang nasa P37,400.00 halaga ng hinihinalang shabu, P300 buy bust money, P200 bills at cellphone matapos siyang madakip ng mga operatiba ng kabilang team ng SDEU sa buy bust operation sa Calle Onse, Brgy. Gen T De Leon, alas-8:30 ng umaga.
Pinuri naman ni Northern Police District (NPD) Director PBGen Ponce Rogelio Peñones Jr, ang Malabon at Valenzuela CPS sa kanilang pagsisikap para maaresto ang mga taong nagpapakalat illegal na droga. (Richard Mesa)
-
MMDA naghahanda sa pagdating ng maraming COVID-19 vaccines sa mga susunod na buwan
Patuloy na naghahanda ang Metro Manila Development Authority (MMDA) sa paghahanda “surge” nang pagdating ng mga COVID-19 vaccines sa Metro Manila sa mga susunod na buwan. Ayon kay MMDA chairman Benhur Abalos, ang mga biniling bakuna ng iba’t obang local government units sa National Capital Region at ng private sector ang mga inaasahang […]
-
8-anyos na batang lalaki tinangay ng agos, nahulog sa creek sa Caloocan
ISANG batang lalaki ang nasawi matapos tangayin ng malakas na agos ng tubig nang aksidenteng mahulog sa Pag-asa creek habang naliligo sa ulan kasama ang dalawang kaibigan, Lunes ng hapon sa Caloocan City. Sa ulat ni P/Capt. Joniber Blasco, Acting Commander ng Police Sub-Station 13 kay Caloocan police chief P/Col. Ruben Lacuesta, […]
-
Repasuhin ang Philippines-Japan Economic Agreement (PJEPA), apela ni Speaker Romualdez
UMAPELA si Speaker Ferdinand Martin Romualdez na repasuhin ang Philippines-Japan Economic Agreement (PJEPA) upang mabawasan, kung hindi man tuluyang maaalis, ang taripa na ipinapataw sa produktong agrikultural ng Pilipinas na ibinebenta sa Japan. Ginawa ng lider ng Kamara ang apela sa kanyang pakikipagpulong sa mga mambabatas ng Japan na bahagi ng Philippines-Japan Parliamentarians’ […]