Halaga ng piso, 85 sentimo na lang – PSA
- Published on November 7, 2022
- by @peoplesbalita
TULUYAN nang bumagsak ang purchasing power ng Philippine peso kontra US dollar dahil sa mas tumaas na inflation nitong buwan ng Oktubre.
Sa ulat ng Philippine Statistics Authority (PSA), ang halaga ng piso noong 2018 ay katumbas na lamang ng 85 sentimo noong Oktubre.
Nitong Hulyo, katumbas pa ito ng 86 sentimo.
Nakakalkula ang purchasing power ng Philippine peso sa pamamagitan ng paghahati ng “1” sa consumer price index, multiplied by 100.
Sinabi ni PSA chief at National Statistician Claire Dennis Mapa, kung susuriin, ang year-to-date purchasing power ng piso ay nasa 87 sentimo laban sa halagang piso nito noong 2018.
Isa rin sa itinuturong dahilan sa pagbaba ng halaga ng piso ay ang paghina rin ng ating pananalapi laban sa US dollar.
Matatandaang inulat ng PSA na bumilis ang inflation o ang pagtaas ng presyo ng mga bililhin nitong Oktubre.
Naitala ang inflation sa 7.7 percent kumpara sa 6.9 percent noong Setyembre.
Ito na ang pinakamabilis na inflation na naitala sa nakalipas na 14 taon.
Kahit bumilis ang inflation, pasok pa rin naman ito sa forecast ng Bangko Sentral ng Pilipinas sa 7.1 hanggang 7.9 percent.
-
PBBM, nakatakdang makipag-usap kay ex-Sen. De Lima matapos ma-hostage ang senadora
KASUNOD ng pangho-hostage kay dating Sen. Leila de Lima, inanunsiyo ni Pangulong Ferdinand “Bongbong” Marcos na nakatakda itong makipag-usap sa senadora. Tatanungin daw ni Marcos sa senadora kung gusto nitong mailipat sa ibang detention center. Kasunod nito, inatasan din ng Pangulong Marcos ang mga otoridad sa Camp Crame na magpatupad ng […]
-
Wagi rin sina Dennis. Juancho at Barbie: ANDREA, pararangalan sa ‘7th GEMS Awards at kinabog si JULIE ANNE
NAG-POST si Suzette Doctolero, creative writer ng “Maria Clara at Ibarra,” ng listahan ng mga nagsipagwagi sa 7th GEMS Awards. Ang GEMS – Hiyas ng Sining ay isang samahang nagbibigay pagkilala sa mga katangi-tanging alagad ng sining sa larangan ng Panulat, Digital, Tanghalan, Radyo, Telebisyon at Pelikula. Sa ikapitong taong pagpaparangal […]
-
Mas maraming Pilipino ang naging obese sa panahon ng pandemya – survey
TUMAAS ang bilang ng ‘obesity’ lalong lalo na sa mga bata dahil sa Covid-19 pandemic. Base ito sa bagong survey na ginawa ng pamahalaan. Nakasaad sa 2021 Expanded National Nutrition Survey (ENNS) ng Department of Science and Technology-Food and Nutrition Research Institute (DOST-FNRI), lumalabas na ang obesity rate sa mga bata […]