Halaga ng piso muli na namang sumadsad sa all-time record low versus sa dolyar
- Published on September 29, 2022
- by @peoplesbalita
MULI na namang naitala ang record breaking na paghina ng Philippine peso laban sa US dollar matapos na magsara ngayong araw sa P58.99.
Batay sa record ng Bankers Association of the Philippines (BAP) ito na ang ika-limang sunud-sunod na trading day na sumadsad ng husto ang piso.
Noong huling trading ng nakalipas na Biyernes ang isang dolyar ay katumbas ng P58.50.
Nitong nakalipas kasi na araw ng Lunes ay walang trading bunsod na kanselado ang mga tanggapan ng opisina dala ng pananalasa ng supertyphoon Karding.
Ilang mga analyst ang nakapanayam na rin ng Bombo Radyo at nagsabing hindi na sila masosorpresa kung bubulusok pa ang halaga ng piso ng hanggang sa P60 katumbas ng isang dolyar.
Sa kabila nito, pinayapa naman ng Bangko Sentral ng Pilipinas (BSP) ang publiko na walang dapat ipangamba dahil nakaantabay naman sila upang protektahan ang piso at inflation rate sa bansa.
Inaasahan din namang makakabawi umano ang piso bago magtapos ang taon dahil sa bubuhos pa ang mga US dollars na remittances mula sa mga overseas Filipinos.
Una nang inamin ng BSP na hindi malayong magtaas na naman sila ng interest rates kung patuloy na lalakas pa ang dolyar at makikialam pa ang Federal Reserve ng Amerika.
Narito pa ang nakalipas na closing rates:
September 20 = P57.48
September 21 = P58.00
September 22 = P58.49
September 23 = P58.50
-
Mga nakakumpleto na nang bakuna sa Metro Manila, nasa trenta porsiyento -Malakanyang
PUMALO na sa 30% ang fully vaccinated sa Metro Manila. Kaya positibo ang Malakanyang na malapit ng maabot ang containment sa National Capital Region (NCR). Sinabi ni Presidential Spokesperson Harry Roque, 20% na lamang ay maaabot na ang containment sa Kalakhang Maynila na isa aniyang malaking bagay upang magbalik buhay na. “At […]
-
Pagbabagong-bihis sa gabinete ni PBBM, nagbabadya matapos ang appointment ban
NAGPAHIWATIG na si Pangulong Ferdinand Marcos Jr. na magkakaroon ng bagong-bihis ang kanyang gabinete sa oras na matapos na ang appointment ban sa mga talunang kandidato na tumakbo noong nakaraang eleksyon sa bansa. Nakatakda kasing magtapos ang appointment ban sa Mayo 9, 2023. Inamin ng Pangulo na masigasig siyang magtalaga ng […]
-
PBBM, hinikayat ang publiko na magpa- COVID booster bago ang in-person classes
HINIKAYAT ni Pangulong Ferdinand Marcos Jr. ang mga pinoy na maghanda para sa pagpapatuloy ng face-to-face classes sa huling buwan ng Agosto. Sa kanyang lingguhang vlog, sinabi ng Pangulo na dapat ay may sapat na proteksyon ang publiko laban COVID-19 bago pa ang inaasahang pagdagsa ng mga estudyante sa mga eskuwelahan. […]