Higit 70K lata ng sardinas ipinamahagi sa Valenzuelanos ngayong Pasko
- Published on December 17, 2020
- by @peoplesbalita
Ipamamahagi sa mga pamilyang Valenzuelano ang higit 70K ng sardinas na ginamit sa Mega Christmas tree ng Mega Global Corporation na kinilalang Tallest Tin Can Structure ng Guinness World Records kamakailan.
Ang mga nasabing pamilya ay mapapabilang sa mga benepisyaryo ng corporate social responsibility (CSR) project ng Mega Global Corporation na naglalayong mapakain ang 100,000 pamilya sa buong bansa hangggang sa pagtatapos ng of 2020.
Sa ilalim ng nasabing proyekto, ang mga pamilyang pinakamatinding tinamaan ng COVID-19 pandemic ang bibiyayaan ng Mega Sardines products.
Ang mga nasabing ipamamahaging regalo ay manggagaling sa 5.905-metro o higit 19 talampakang “Chrristmas tree” na itinayo sa Mega Global Distribution Center sa Barangay Viente Reales, ng lungsod na gawa sa 70,638 pula at berdeng lata ng Mega Sardines na sinimulang buuin noong Nobyembre 18 at natapos eksakto para sa National Sardines Day noong Nobyembre 24.
Inilunsad din sa nasabing araw ang “Mega Bigay Sustansya sa Pasko” . Binalak ng Mega Global Corporation na magbigay ng mainit na pagkain sa mga pamilyang apektado ng COVID outbreak ngunit nagbago ang plano para matulungan din ang mga pamilyang tinamaan naman ng magkakasunod na mga bagyo.
Kaugnay nito, pinuri ni Mayor Rex Gatchalian ang Mega Global Corporation. “Proud ang Valenzuela City sa Mega Sardines at mas proud kami na maging partner ng Mega Sardines, para makatulong sa ating mga kapwa Valenzuelano,” aniya.
Ipagkakaloob ang mga sardines products sa Pamahalaang Lungsod sa Disyembre 20, 2020. (Richard Mesa)
-
PBBM, kinilala ang naging ambag ng DSWD sa ginagawang pagtulong nito sa mga tao
KINILALA ni Pangulong Ferdinand R Marcos Jr ang Department of Social Welfare and Development (DSWD) sa pagtulong nito sa mga mamamayan na nangangailangan. Sa isinagawang Pangkabuhayan at Pamaskong Handog Ng Pangulo at Unang Ginang sa Sambayang Pilipino na ginawa sa Rizal Park, tinuran ni Pangulong Marcos na isa ang DSWD sa mga ahensiya ng gobyerno […]
-
Beauty, excited kung magkaka- project sila ulit ni Dimples
BABALIK din pala pala sa Kapamilya network si Beauty Gonzales pagkatapos ng I Got You series nila nina Jane Oneiza at RK Bagatsing sa TV5 mula sa direksyon ni Dan Villegas handog ng Brightlight Productions at Cornerstone Studio. Inamin ng aktres na may communication siya sa mga taga-ABS-CBN. Inakala raw kasi ng iba na […]
-
Teacher solon nanawagan kay Pangulong Marcos muling buksan ang peace talks sa CPP-NPA-NDF
Nananawagan ngayon si House Deputy Minority Leader at ACT Teachers Party List Representative France Castro kay Pangulong Bongbong Marcos na muling buksan ang usaping pangkapayapaan sa Communist Party of the Philippines- New Peoples Army- National Democratic Front (CPP-NPA-NDF) para sa totoong pagkakaisa ng bansa. Ang panawagan ni Castro ay kasabay ng pagdiriwang ng […]