• February 27, 2024
  • Ang Diyaryong Pinagkakatiwalaan

Higit P174-milyon shabu, nasamsam sa 3 magkakapatid

Mahigit sa P174 milyon halaga ng shabu ang nasamsam ng mga awtoridad sa tatlong magkakapatid, kabilang ang isang menor-de-edad na nailigtas sa isinagawang buy-bust operation ng pulisya sa Caloocan City.

 

Pinuri ni Northern Police District (NPD) Director P/Brig. Gen. Ronaldo ang Caloocan Police Station Drug Enforcement Unit (SDEU) sa ilalim ng pangangasiwa ni P/Col. Samuel Mina Jr. dahil sa matagumpay na operation na nagresulta sa pagkakaaresto sa mga suspek na si Kalif Latif, 24, (watchlisted), Akisah, 18, at pagkakasagip sa kanilang 14-anyos na binatilyong kapatid, pawang estudyante.

 

Nakumpiska sa operation ang humigi’t-kumulang sa 25 kilos at 700 gramo ng hinihinalang shabu na tinatayang nasa P174,760,000.00 ang halaga.

 

Ayon kay Col. Mina, mahigit isang lingggong isinailalim sa surveillance operation ng mga operatiba ng SDEU ang mga suspek bago isinagawa ang buy-bust operation sa pangunguna ni P/Capt. Deo Cabildo sa kanilang bahay sa Block 30, Lot 17, Phase 12, Brgy. 188, Tala, Caloocan city dakong 7:30 ng umaga.

 

Isang undercover police na nagpanggap na buyer ang nakagawang makapagtransaksiyon sa mga suspek ng P120,000 halaga ng shabu.

 

Nang tanggapin ng mga suspek ang marked money mula sa poseur-buyer kapalit ng isang medium ice plastic bag ng shabu ay agad silang sinunggaban ng mga operatiba.

 

Kabilang pa sa nakumpiska sa mga suspek ang buy-bust money na binubuo ng dalawang tunay na P1,000 bills at 118 piraso ng P1,000 boodle money, cellphone at dalawang travelling bag na kulay itim at pula.

 

Mahaharap ang mga suspek sa kasong paglabag sa Comprehensive Dangerous Drugs Act of 2002 habang tinurn over naman sa pangangalaga ng DSWD ang menor-de-edad. (Richard Mesa)

Other News
  • 3 SOUTH KOREANS INARESTO NG BI

    INARESTO ng mga operatiba ng Bureau of Immigration (BI) ang tatlong South Koreans na nasa listahan ng wanted ng kagawaran at illegal na paninirahan sa bansa.       Sa report kay Immigration Commissioner Jaime Morente, ng BI’s fugitive search unit (FSU), kinilala ang tatlo na sina  Han Jeongcheol, 47, Yang Wonil, 48, at Cho […]

  • Ads January 5, 2022

  • Tom Cruise Performs Another Death-defying Stunt In ‘Mission: Impossible 7’

    TO celebrate Tom Cruise’s 60th birthday, Christopher McQuarrie has shared a brand new death-defying still from Mission: Impossible – Dead Reckoning Part One.     The movie star has been a part of the franchise since the first film in 1996. Brian De Palma’s original action film, which was adapted from the 1960s spy series […]