Hindi cha-cha ang sagot sa pandemya at magbabangon sa sadsad na ekonomiya
- Published on February 4, 2021
- by @peoplesbalita
Ito ang pahayag ni Bayan Muna Rep. Eufemia Cullamat kasunod nang pagpasa ng House Committee on Constitutional Amendments ang Resolution of Both Houses no. 2 na nagsusulong sa economic Charter Change o Cha-Cha ng 1987 Constitution.
“Isang dumadagundong na pagkundena sa pagmamadali at pagratsda nang walang pakundangan sa panukalang Cha-Cha ng Kongreso. Ito ay tuwiran na ibebenta ang ating likas na yaman, pabibilisin ang pandarambong sa ating pambansang patrimonya,” ani Cullamat.
Ayon sa mambabatas, ang pag-apruba sa RBH2 ay nagpapakita na wala umanong kapangyarihan ang Kongreso na siya lang ang mag-akda o gumagawa ng batas para sa kapakanan ng mamamayang Pilipino lalo na sa mga katutubo, magsasaka at lahat ng mahihirap na patuloy na pinagkaitan ng karapatan sa lupa at sa sariling rekurso ng bansa.
“Pataksil na inaprubahan kahit saliwa ito sa tunog ng pagkalam ng tiyan ng nakarami. Hindi Cha-cha ang sagot sa pandemya at nagugutom na mamamayan, kundi bakuna at ayuda. Lalong hindi Chacha ang sasagot sa bagsak at lugmok na ekonomiya ng bansa,” dagdag ni Cullamat.
Ang economic chacha with amendments ay naaaprubahan sa botong 62 yes, 3 no at 3 abstention.
Bago i-adopt ng komite ang panukalang chacha ay nagkasundo ang mga miyembro sa mosyon ni Committee Vice Chairman Lorenz Defensor na huwag ng isama ang Section 7 Article 12 ng National Economy and Patrimony sa aamyendahan patungkol sa pagmamay-ari ng lupa ng mga dayuhan.
Ibig sabihin, ang restrictions sa foreign ownership sa lupa ng bansa ay mananatili.
Sa kabilang banda ay nananatili pa rin ang pagsisingit ng katagang “unless otherwise provided by law” sa mga restrictive economic provisions ng Saligang Batas partikular sa Articles 12, 14 at 16.
Sabay ding inaprubahan ang committee report ng economic chacha at nakatakda na itong iakyat sa committee on rules pata maikalendaryo at masimulang talakayin sa plenaryo.
Para ganap na mapagtibay ang economic chacha sa Kamara ay mangangailangan ng 3/4 votes mula sa lahat ng mga kongresista. (ARA ROMERO)
-
Dahil dumadaan sa ilang emotional issues: SUNSHINE, mapaglabanan sana ang bagong sakit na nararamdaman sa pagpanaw ng ama
NAGING black ang profile picture sa Instagram account ng actress na si Sunshine Dizon. Nag-post din ito ng larawan kasama ang kanyang ama at caption kung gaano kasakit at nangungulila ang actress, wala pa itong ibang detalyeng inilagay. Isang malungkot nga ang ipinost ni Sunshine sa kanyang IG kunsaan, nangungulila ito […]
-
PCOO, bumuo ng bagong panel para sugpuin ang korapsyon sa loob ng ahensiya
OPISYAL na inilunsad ng Presidential Communications Operations Office (PCOO) ang sarili nitong Anti-Corruption Committee (ACC) bilang bahagi ng pagsisikap nito na sugpuin ang korapsyon sa ahensiya. Sa isang simpleng seremonya Times Plaza Building sa kahabaan ng UN Ave. sa Ermita, Manila, inaunsyo ng PCOO ang kanilang partnership sa Presidential Anti-Corruption Commission (PACC) upang […]
-
DA, nakikita ang pagbaba ng SRP para sa sibuyas sa ikalawang linggo ng Enero
INAASAHAN na itatakda sa ikalawang linggo ng Enero ang mababang suggested retail price (SRP) para sa sibuyas. Sinabi ni Department of Agriculture (DA) Assistant Secretary at Spokesperson Kristine Evangelista, araw ng Lunes na ang P250 kada kilogram na SRP para sa sibuyas ay napaso’ na nitong araw ng Sabado, Enero 7, dahilan para […]