• June 14, 2024
  • Ang Diyaryong Pinagkakatiwalaan

Hindi cha-cha ang sagot sa pandemya at magbabangon sa sadsad na ekonomiya

Ito ang pahayag ni  Bayan Muna Rep. Eufemia Cullamat kasunod nang pagpasa ng House Committee on Constitutional Amendments ang Resolution of Both Houses no. 2 na nagsusulong sa economic Charter Change o Cha-Cha ng 1987 Constitution.

 

 

“Isang dumadagundong na pagkundena sa pagmamadali at pagratsda nang walang pakundangan sa panukalang Cha-Cha ng Kongreso.  Ito ay tuwiran na ibebenta ang ating likas na yaman, pabibilisin ang pandarambong sa ating pambansang patrimonya,” ani Cullamat.

 

 

Ayon sa mambabatas, ang pag-apruba sa RBH2 ay nagpapakita na wala umanong kapangyarihan ang Kongreso na siya lang ang mag-akda o gumagawa ng batas para sa kapakanan ng mamamayang Pilipino lalo na sa mga katutubo, magsasaka at lahat ng mahihirap na patuloy na pinagkaitan ng karapatan sa lupa at sa sariling rekurso ng bansa.

 

 

“Pataksil na inaprubahan kahit saliwa ito sa tunog ng pagkalam ng tiyan ng nakarami. Hindi Cha-cha ang sagot sa pandemya at nagugutom na mamamayan, kundi bakuna at ayuda. Lalong hindi Chacha ang sasagot sa bagsak at lugmok na ekonomiya ng bansa,” dagdag ni Cullamat.

 

 

Ang economic chacha with amendments ay  naaaprubahan sa botong 62 yes, 3 no at 3 abstention.

 

 

Bago i-adopt ng komite ang panukalang chacha ay nagkasundo ang mga miyembro sa mosyon ni Committee Vice Chairman Lorenz Defensor na huwag ng isama ang Section 7 Article 12 ng National Economy and Patrimony sa aamyendahan patungkol sa pagmamay-ari ng lupa ng mga dayuhan.

 

 

Ibig sabihin, ang restrictions sa foreign ownership sa lupa ng bansa ay mananatili.

 

 

Sa kabilang banda ay nananatili pa rin ang pagsisingit ng katagang “unless otherwise provided by law” sa mga restrictive economic provisions ng Saligang Batas partikular sa Articles 12, 14 at 16.

 

 

Sabay ding inaprubahan ang committee report ng economic chacha at nakatakda na itong iakyat sa committee on rules pata maikalendaryo at masimulang talakayin sa plenaryo.

 

 

Para ganap na mapagtibay ang economic chacha sa Kamara ay mangangailangan ng 3/4 votes mula sa lahat ng mga kongresista. (ARA ROMERO)

Other News
  • Alert Level 3 para sa NCR may ‘good chance’, – Sec. Roque

    HABANG patuloy na bumababa ang kaso ng Covid -19, sinabi ng Malakanyang na may “good chance” ang National Capital Region (NCR) na i-downgrade o ibaba sa Alert Level 3, stage ang bagong coronavirus (COVID-19) response system na ikinasa sa rehiyon.   Layon nito na payagan ang mas maraming negosyo at aktibidad para magbalik operasyon.   […]

  • Nahulog sa motorsiklo, ginang pisak sa tanker truck

    NASAWI ang 54-anyos na housewife matapos magulungan ng malaking tanker truck makaraang mahulog sa sinasakyang motorsiklo sa Valenzuela City, Linggo ng gabi. Dead-on-the-spot sanhi ng tinamong pinsala sa katawa ang biktimang si alyas “Helen”, habang ligtas naman ang kanyang asawang si alyas “George” 57, kapuwa residente ng DM Compound, Heroes Del 96, Brgy., 73, Caloocan […]

  • James Gunn, Confirms ‘Guardians of the Galaxy Vol. 3’ Will Start Filming This Year

    DIRECTOR James Gunn confirmed via Twitter that the third part of his cosmic trilogy will begin filming this year.     Starting filming this year would put the movie on track for its announced 2023 release, and also bodes well for the Guardians of the Galaxy Holiday Special, which will be shot during filming of Guardians of the Galaxy 3, […]