Hotshots ikakasa ang bonus vs Bolts
- Published on March 3, 2022
- by @peoplesbalita
ISANG panalo na lang ang kailangan ng nangungunang Magnolia para makapasok sa Top Four sa quarterfinals ng PBA Governors’ Cup.
Sasagupain ng Hotshots ang Meralco Bolts ngayong alas-6 ng gabi matapos ang banggaan ng NorthPort Batang Pier at Blackwater Bossing sa alas-3 ng hapon sa Smart Araneta Coliseum.
Kasalukuyang pinamumunuan ng Magnolia ang torneo hawak ang 7-1 record kasunod ang Meralco na nagdadala ng 6-2 baraha.
Ang mga koponang kukuha ng tiket sa Top Four ang mabibigyan ng twice-to-beat’ incentive laban sa No. 8, 7, 6 at 5 squads sa quarterfinals.
“One game at a time pa rin, kung sino kaharap namin, kailangang paghandaan, kailangang irespeto namin kasi iyon ang turo ni coach Chito (Victolero),” sabi ni Hotshots combo guard Paul Lee.
Umiskor ang Magnolia ng 104-87 panalo laban sa San Miguel (5-4) na dumiskaril sa debut ni five-year NBA player Shabazz Muhammad.
Sa unang laro, pupuntiryahin ng NorthPort (3-5) ang kanilang ikaapat na sunod na ratsada laban sa talsik nang Blackwater (0-8) na determinadong wakasan ang PBA record na 27-game losing slump simula noong 2020 Philippine Cup bubble sa Clark.
Samantala, kinuha ng Phoenix si Du’Vaughn Maxwell kapalit ni Dominique Sutton sa layuning palakasin ang kanilang tsansa sa playoffs.
-
Sexton, Anthony, Griffin, Rondo, kabilang sa higit 20 pang players na nasa NBA free agency
UMAABOT pa sa mahigit 20 mga players kasama na ang ilang magagaling na mga veterans ang wala pa ring koponan matapos magpaso ang kanilang kontrata, habang ang iba naman ay tumanggi nang magkaroon ng extension. Kabilang sa mga nakabitin pa ang mga career at nasa free agency ay ang 23-year-anyos na scoring guard […]
-
DOLE naglaan ng P100-M para sa free COVID-19 testing sa mga newly-hired employees
NAGTALAGA ng nasa Php100 milyon ang Department of Labor and Employment (DOLE) para sa kanilang programa libreng COVID-19 testing sa mga bagong hire na manggagawa. Sinabi ni Labor Secretary Silvestre Bello III na layunin nito na bawasan ang bigat ng pasanin ng mga kababayan nating newly -hired jobseekers sa iba’t ibang sektor. […]
-
DOTr: Mga sirang elevators at escalators sa LRT 2, Ok na
INULAT ni Department of Transportation (DOTr) Secretary Arthur Tugade na umaandar na ang mga sirang elevators at escalators sa Light Rail Transit Line 2 (LRT 2) matapos na makita na isang disabled na pasahero ang umaakyat sa hagdanan habang dala-dala ng dalawang (2) security personnel ang wheelchair nito. Agad umaksyon si Tugade […]