IATF, pinag-usapan kung kasama ang persons with comorbidities sa prayoridad na mabigyan ng bakuna sa COVID 19
- Published on January 14, 2021
- by @peoplesbalita
SINABI ni Presidential Spokesperson Harry Roque na may pag- uusap pang ginagawa ang Inter-Agency Task Force (IATF) ukol sa kung isasama sa priority list na mabakunahan ng COVID vaccine ang mga tinaguriang may comorbidities gaya ng mga diabetic at may heart condition.
Ayon kay Sec. Roque, may kani-kanyang tindig ang mga nasa IATF patungkol sa usapin na hanggang ngayo’y hindi pa napagdedesisyunan at patuloy pa ring pinag- uusapan.
“Pinag-uusapan pa po kung mabibigyan din ng prayoridad iyong mayroong mga comorbidities gaya ng diabetes at heart condition.
Mayroon lang pong pagtatalong nangyayari ngayon sa IATF, ako po, kasama ako doon sa kampo na nagsasabing dapat bigyan ng prayoridad ang may comorbidities; iyong kabilang kampo naman po nagsasabi, anyway, iyong mga senior citizens na karamihan ay may comorbidities ay mayroon na po silang prayoridad,” anito.
Kung siya lamang aniya ang tatanungin ay pabor siyang maisama na sa priority list ang mga may comorbidities ngunit kailangan pa rin aniyang pag- usapan ito at may mabuong concensus.
Aniya, ibang usapan naman ang mga nabibilang sa Senior citizen na bagamat hindi lahat ay masasabing malulusog ay puwede na aniyang unahin.
“So tingnan po natin kung ano ang magiging desisyon ng IATF. Wala pa pong desisyon pagdating sa mga mayroong comorbidities.
Although, napagkasunduan na po na iyong mga senior citizens, siyempre hindi naman lahat ay malulusog so iyong mga senior citizen na mayroong comorbidities puwede ring unahin,” ang pahayag ni Sec. Roque.
Kaya ang paalala ni Sec. Roque sa mga senior ay huwag na lang munang lumabas ng bahay lalo’t sila ang matinding tinatamaan ng COVID-19
“Although, prioritized na ang mga senior citizens. Mahal namin po kayo, mga lolo at lola. Samantala po, huwag kayong lalabas ng bahay dahil alam natin kayo po talaga ang tinatamaan nang matindi ng COVID-19,” anito. (Bishop Jesus “Jemba” M. Basco)
-
Hopkins pinayuhan ang mga retiradong boksingero na magpahinga na
Pinayuhan ni dating boxing champion Bernard Hopkins ang kapwa niyang mga retiradong boksingero na huwag ng bumalik pa sa boxing ring. Sinabi ng 51-anyos na boksingero na mahihirapan na ang mga ito na maghanap pa ng mga makakalaban. Pagtatawanan na lamang ang mga ito dahil sa mabagal na paggalaw at mahinang pagsuntok dahil […]
-
Pagbawi sa Overseas Deployment Ban, malabo-Malakanyang
TINIYAK ng Malakanyang na hindi babawiin o ili-lift ng Pilipinas ang overseas deployment ban sa mga healthcare workers sa hinaharap dahil sa COVID-19 pandemic. Ayon kay presidential spokesperson Harry Roque, ang deployment ban ay mananatili sa kabila ng pagsalungat ni Foreign Affairs Secretary Teodoro Locsin Jr., na nakipagtalo na ang pagbabawal sa mga doktor, […]
-
Duque sa mandatory na pagsuot ng face shield: ‘We are guided by science and evidence’
Dinepensahan ni Health Sec. Francisco Duque III ang utos ng Inter-Agency Task Force on Emerging Infectious Diseases (IATF-EID) na nagma-mandatong magsuot na ng face shield ang publiko sa lahat ng pagkakataon, lalo na kung nasa labas ng bahay. “We are guided by science and evidence,” ani Duque sa press briefing nitong Miyerkules. Inulan ng reklamo at […]