Ika-161 na Malasakit Center, binuksan sa bayan ng Bocaue
- Published on March 13, 2024
- by @peoplesbalita
LUNGSOD NG MALOLOS – Upang makapagbigay ng accessible na serbisyong pangkalusugan at suporta sa mga Bulakenyo, pinangunahan nina Senador Christopher Lawrence “Bong” Go, Senador Joel “Tesdaman” Villanueva kasama sina Gobernador Daniel R. Fernando at Bise Gob. Alexis C. Castro ang Pagbubukas ng Ika-161 na Malasakit Center sa Joni Villanueva General Hospital sa Bocaue, Bulacan kamakailan.
Layong magsilbi bilang one-stop shop sa mga ahensiya kabilang na ang PhilHealth, Philippine Charity Sweepstakes Office, at Department of Social Welfare and Development, magkakaloob ang Malasakit Center ng tulong medikal at pinansiyal sa mga kapus-palad na pasyente nang hindi na kinakailangan pang umalis sa lugar ng ospital upang ma-access ang mga serbisyo ng mga nabanggit na ahensiya.
Ipinaabot naman ni Fernando ang kanyang pasasalamat kina Senador Go at Villanueva at sa lahat ng mga taong nasa likod ng pagkakatayo ng ikaapat na Malasakit Center sa lalawigan.
“Ang center na ito ay nagpapatunay sa ating kolektibong adhikain na magbigay ng mas abot-kamay, abot-kaya at dekalidad na serbisyong pangkalusugan para sa lahat. Access to healthcare is a fundamental human right, and it is our duty as public servants to ensure that this right is upheld for every Bulakenyo,” anang gobernador.
Samantala, dinaluhan din ang paglulunsad ng mga opisyal ng Department of Health kabilang na sina Asec. Ariel Valencia, Usec. Maria Rosario Singh-Vergeire, Usec. Emmie Liza Perez-Chiong, Director Girlie Velozo, Regional Director Corazon I. Flores; Congressman Ambrosio Cruz, Bocaue Mayor Eduardo Villanueva, Jr., at Bocaue Vice Mayor Abgd. Sherwin Tugna; Dr. Renely Tungol, Medical Center Chief ng Joni Villanueva General Hospital; at iba pang mga kinatawan mula sa mga katuwang na ahensiya.
-
Ilang motorista, maagang nagpagasolina bago pumatak ang panibago na namang big-time oil price hike
ILANG oras pa bago pumatak ang panibagong oil price hike na ipapatupad ngayong linggo ay maaga nang pumila ang ilan sa ating mga kababayang tsuper ng mga pribado at pampublikong transportasyon. Batay kasi sa inilabas na abiso ng mga oil companies, papalo sa Php2.15 ang itataas ng presyo sa kada litro ng gasolina, […]
-
Pacquiao out, Cusi in bilang PDP-Laban president
Pinatalsik ng Partido Demokratiko Pilipino–Lakas ng Bayan (PDP-Laban) si Senator Manny Pacquiao bilang presidente ng partido at ipinalit si Energy Secretary Alfonso Cusi. Mismong si Pangulong Rodrigo Duterte na chairman ng partido ang nagpanumpa kay Cusi. Nagpalabas naman ng mensahe si Pacquiao na kasalukuyang nasa Amerika upang mag-ensayo para sa nalalapit […]
-
Japanese tennis star Naomi Osaka bigo sa 1st round ng Cincinnati Open
NABIGO sa first round ng Cincinnati Open si Japanese tennis star Naomi Osaka. Tinalo siya ni Zhang Shuai ng China sa score na 6-4, 7-5. Ito ang pangatlong torneo ni Osaka mula ng magtamo ng Achilles injury. Noong nakaraang linggo kasi ay umatras na ito sa opening round ng […]