Ilang sangkot sa korapsyon sa DPWH, patay o retirado na
- Published on November 18, 2020
- by @peoplesbalita
PATAY na o kaya naman ay retirado na ang ilan sa mga pangalan ng Department of Public Works and Highways (DPWH) personnel na nasa listahan na sinasabing di umano’y sangkot sa korapsyon.
Sa briefing na isinagawa para sa pagtugon ng pamahalaan sa bagyong Ulysses ay isinambulat ni Pangulong Rodrigo Roa Duterte ang korapsyon sa loob ng DPWH makaraang may lokal na opisyal ng Camarines Sur ang nagpalutang ng ideya na magtayo o maglagay ng Bicol River basin para labanan ang tubig-baha.
Sinabi ng opisyal na ang proyekto ay mangangailangan ng koordinasyon ng DPWH, Department of Environment and Natural Resources at provincial government.
“Please understand that I do not have anything against [DPWH Secretary Mark] Villar. He’s very honest, he’s very good. Very industrious. Problem is, DPWH is inhabited with mga demonyo,” ayon kay Pangulong Duterte.
Sa ulat, makailang ulit na sinasabi ng Pangulo ang talamak na korapsyon sa DPWH dahilan para ipag-utos niya ang pag-audit ng mga proyekto nito habang nagsasagawa ng imbestigasyon ang task force ukol sa korapsyon sa pamahalaan.
Gayunman, ipinaalam naman ng local na opisyal kay Pangulong Duterte na ilan sa mga DPWH personnel na sinasabing dawit sa korapsyon ay patay na o retirado na sa serbisyo.
“Excuse me, Mr. President. ‘Yun pong mga nakarating sa iyo na pangalan ng supposed to be corrupt officers of DPWH, ang iba po sa kanila patay na… ang iba po nag-retire na,” anito.
“Buti, kundi patayin na lang natin,” ang tugon naman ng Pangulo na dahilan para magtawanan ang lahat na kasama sa briefing.
Matatandaang, pinalawig ni Pangulong Duterte ang coverage ng imbestigasyon ng government-wide corruption kabilang na ang DPWH.
Sa kabila ng kanyang deklarasyon na contempt of corruption sa ahensiya ay nananatili naman ang trust and confidence ng Pangulo kay DPWH Sec. Mark Villar. (Daris Jose)
-
Pabuya para maaresto ang pumaslang kay Percy Lapid pumalo na sa P6.5-M
PUMALO na sa P6.5 milyon ang nakalaang pabuya sa pag-aresto sa pumatay sa mamamahayag na si Percy Lapid. Inanunsiyo kasi ni House Speaker Martin Romualdez na nag-ambag ang mga kongresista at umabot ito ng P5 milyon. Magugunitang unang nagbigay ng P1-milyon na pabuya ang kaibigan ng pamilya habang mayroong P500,000 ang […]
-
Dumbledore’s First Army Reveals in ‘Fantastic Beasts: The Secrets of Dumbledore’ Featurette
‘Fantastic Beasts: The Secrets of Dumbledore’ just revealed a featurette about Dumbledore’s First Army, along with character posters of the magical group! Get an inside look into the making of ‘Fantastic Beasts: The Secrets of Dumbledore‘ with a newly-released featurette about Dumbledore’s First Army. The launch coincided with the reveal of solo posters […]
-
NBI, NAG-IIMBESTIGA SA MGA FIXERS SA BI
PINAKIKILOS na rin ng Department of Justice (DOJ) ang National Bureau of Investigation (NBI) upang imbestigahan ang naiulat na bagong modus sa loob ng tanggapan gn Bureau of Immigratuon (BI). Partikular na ipinag-utos ni Justice Secretary Menardo Guevarra ang mga fixers sa BI na iligal na nagpapasok ng mga Chinese national sa pamamagitanm […]