• February 28, 2024
  • Ang Diyaryong Pinagkakatiwalaan

Inaming nagkulang sa paglalambing noon: MATET, ngayon lang na-realize na sana’y mas naging mabuting anak ni NORA

INAMIN ni Matet de Leon na nagkulang siya sa paglambing noon kay Nora Aunor.

 

 

Ngayon lang kasi niya na-realize na sana’y naging mas mabuting anak siya sa kanyang inang Superstar.

 

 

“Siguro po ‘yung ipilit ko ‘yung sarili ko sa kanya. Kasi noong bata po kami, si mommy nga laging busy. So ang dating sa amin pag nasa bahay, gusto niyang magpahinga lang, hindi puwedeng maistorbo.

 

 

“But ang gusto pala ni mommy nilalambing, ang gusto niya kinukulit. So we could have done that more noong bata kami,” pahayag ni Matet. Sana raw ay naglaan sila ng oras na magkakapatid sa kanilang ina. “Siguro mas natanggal namin ang pagod niya kung hinila ko ‘yung mga kapatid ko na ‘Hali ka dali puntahan natin si mommy, i-massage natin.

 

 

“Siguro mas naging buo ‘yung relasyon namin, or mas marami akong naging memories or kami with her when we were younger,” sey ni Matet na napapanood sa GMA teleserye na ‘Love Before Sunrise’.

 

 

***

 

 

PUMANAW na ang dating aktres at TV host na si Jaymee Joaquin sa edad na 44 matapos ang ilang taong pakikipaglaban sa breast cancer.

 

 

Inanunsyo ito ng kanyang malapit na kaibigan na si Fides VA sa isang Facebook post noong October 18.

 

 

“Our dearest Jaymee Topacio aka Jaymee Joaquin, Jaymee Wins officially became an angel today. You’ve lived the most beautiful life, Jaymee. You will be greatly missed on this planet,” malungkot na balita ni Fides.

 

 

October 2016 nang ma-diagnose na may Stage 2A breast cancer si Jaymee.

 

 

Noong July 2017, masaya nitong ibinalita na cancer-free na siya. Pero noong March 2019, ibinahagi ni Jaymee na muling bumalik ang kanyang cancer.

 

 

Nakilala si Jaymee sa pag-host nito ng ‘Games Update Live’ (2006-2009) at sa mga shows na ‘Bora’, ‘Ligaw Na Bulaklak’, ‘Parekoy’, ‘Super Inggo’ at ‘Habang May Buhay’.

 

 

***

 

 

AFTER 45 years, nakipaghiwalay si Meryl Streep sa mister niyang si Don Gummer.

 

 

Ginulat ng 3-time Oscar winner ang kanyang mga tagahanga sa buong mundo sa pag-amin na six years na silang tahimik na maghiwalay ng kanyang artist-husband.

 

 

Nasa Spain si Meryl noong lumabas ang balita at ang rep nilang mag-asawa ang naglabas ng official statement nila.

 

 

“Don Gummer and Meryl Streep have been separated for more than 6 years, and while they will always care for each other, they have chosen lives apart,” ayon sa statement ng lumabas sa PEOPLE magazine.

 

 

Sa mga nakakita sa 74-year old actress sa 2023 Princesa de Asturias Awards in Spain, suot pa rin daw nito ang kanyang wedding band.

 

 

Last September 30, the now ex-couple celebrated their 45th wedding anniversary.

 

 

Huling nakitang magkasama in public si Meryl at Don ay noong 2018 sa red carpet ng Academy Awards.

 

 

Kinasal noong 1978 sina Meryl at Don at nabiyayaan sila ng apat na anak: Louisa Jacobson, 30; Grace Gummer, 37; Mamie Gummer, 40 and Henry Wolfe, 43. Meron din silang limang apo.

 

 

Huling napanood si Meryl sa season 3 ng comedy-mystery series na ‘Only Murders In The Building.’

 

 

(RUEL J. MENDOZA)

Other News
  • Quezon City ginawaran ng parangal ng DILG

    GINAWARAN ng Department of the Interior and Local Government (DILG) nang pagkilala ang Quezon City bilang lungsod na may pinakamaraming establisimyentong binigyan ng Safety Seal Certification.     Mismong si Mayor Joy Belmonte ang tumanggap ng parangal mula kay DILG Secretary Eduardo Año sa ginanap na awarding ce­remony sa SM Mall of Asia.     […]

  • PFIZER VACCINE, DINAGSA NG MGA NAIS MAGPABAKUNA SA MAYNILA

    DINAGSA ng mga nais magpabakuna kontra COVID-19 vaccine gamit ang Pfizer ang Manila Prince Hotel sa Ermita noong Lunes.     Madaling araw pa lamang ay mahaba na ang pila na kinabibilangan ng kategoryang A1 (medical frontliners), A2 (senior citizen), at A3 (person with comorbidity) para sa kanilang first dose.     Ayon kay Manila […]

  • Pacquiao posibleng bumalik sa boxing – Buboy Fernandez

    HINDI ikinaila ni Buboy Fernandez ang posibilidad sa pagbabalik boxing ni Manny Pacquiao.     Nakatakda kasi ng magkaroon ng exhibition fight si Pacquiao laban kay South Korean YouTuber DK Yoo sa Disyembre.     Ayon sa personal trainer at kaibigan ng dating senador na si Fernandez na ang exhibition fight ng boxing champion ay […]