Isa sa tatlong stories na pini-pitch sa producers: JOROSS, gustong mai-direk sina ANGEL, BEA at JUDY ANN

PAGKATAPOS na makilala bilang aktor, gusto naman ngayon ni Joross Gamboa na makilala bilang direktor.

May tatlong stories na ipi-pitch si Joross sa ilang producers na dasal niya ay mabigyan ng chance na magawa.

“Gusto ko, ‘yung idi-direct ko, ako rin ang magsusulat. One is a sports comedy with a twist. Magugustuhan ito ng mga bagets because the treatment is light. About basketball, ako ‘yung bida. Sayang dahil ako na rin ang nag direct, pero hindi ako ‘yung magaling.

“Ang bida ‘yung storya. Inspired by Stephen Chow’s kind of comedy. Gusto kong leading lady si Alessandra de Rossi. Isa siya sa pinakamagaling na leading ladies pagdating sa batuhan ng linya.

“Kapag nag-absorb siya, may ibinabalik siya agad sa ‘yo. Magaling siyang artista. Laging may makukuha ka agad sa kanya. Magaling siya sa comedy at drama,” sey ni Joross.

Ang isang story ay tungkol sa cancer na naapektuhan ang isang pamilya.

“Personal experience ko rin dahil ang mommy ko nagka-cancer, but gumaling na rin siya. But my lola died of cancer in 2017, before the pandemic.

“Ang gusto kong bida, Angel Locsin or Judy Ann Santos. Tatlong may cancer then may nag-aalaga sa kanila. May pagka ‘Patch Adams’ na babae ang story. We can include Bea Alonzo. Then isang bata.”

Ang pangatlong story ay romantic-comedy with a twist.

“Puwedeng digital or even global, but isipin mo kung paano ang atake. Siyempre, dapat merong influence of our culture, dapat may touch of Filipino. Bagong artista ang gagamitin ko. Pwedeng i-audition namin.

Kasalukuyang napapanood si Joross sa GMA afternoon teleserye na ‘The Missing Husband’.

***

IBINAHAGI ni Pokwang kung ano ang nangyari sa kanyang itinayong online food business na Mamang Pokwang’s Gourmet.

Ang Mamang Pokwang’s Gourmet ay ang kanyang food business kung saan nagbebenta ang TiktoClock star ng gourmet tuyo, tinapa, laing, at iba pa. Kasama rin dito ang kanyang sumikat na roasted chicken.

Sa isang Instagram post, nagbigay ng update si Pokwang kung ano na ang nangyari sa kanyang food business na sumikat online.

“Sa mga nagtatanong nasaan na ang @mamangpokwangs_gourmet #tuyo #tinapa #laing #sukà #alamang #aligue at roasted chicken??? well 2024 ang muli kong pagbangon.”

Dugtong pa ni Pokwang ay pinapaganda niya pa ang kanyang kusina para sa nalalapit nitong pagbubukas sa 2024.

***

NI-REVEAL na nila Rihanna at ng partner niyang si A$AP Rocky ang kakaibang pangalan ng second baby boy nila.

Sa naturang birth certificate, nakalagay ang pangalan na Riot Rose Mayers.

Named after ang second baby nila sa song na ni-release ni A$AP Rocky titled “Riot” noong nakaraang July at collab nila ito ni Pharrell Williams.

Nakalagay din sa birth certificate na sinilang si Riot noong August 1 at 7:41 a.m. at Cedars-Sinai Medical Center in L.A.

Ang first baby boy nila ay pinangalanan nilang RZA Athelston Mayers. Nag-turn 1-year old ito last May.

Sa pagiging mother, ito ang nasabi ni Rihanna: “It is crazy. It is amazing. It’s wild. It’s weird. It’s all of those things, all at once. The best feeling, the best. The most love I’ve ever known. I can’t describe it. It’s new. It’s fascinating. Every step, every facial expression, every new milestone. I love it. Your tolerance level goes down, but your patience goes up, if that makes any sense.”

(RUEL J. MENDOZA)