Jeep at iba pang pampublikong sasakyan, payagan nang bumiyahe
- Published on June 3, 2020
- by @peoplesbalita
Hinikayat ng grupong Gabriela ang gobyernong Duterte na payagan na ang mga jeep, bus at iba pang mass transport services na makabiyahe ngayong nasa ilalim na ng general community quarantine (GQC) ang Metro Manila at ilan pang karatig na lugar sa bansa.
“Malinaw ngayong unang araw ng GCQ ang parusang dulot sa komyuter at drayber ng pagmamatigas ng gobyerno para pagbawalan ang pagpasada ng mga jeepney at public buses. Dapat na baguhin agad ang panuntuhan ng otoridad kaugnay nito. Huwag na nating dagdagan pa ang paghihirap ng ating mga kababayang babalik sa trabaho matapos ang mahigit 2 buwan na lockdown,” ayon kay Gabriela Rep. Arlene Brosas.
Sinabi pa ng mambabatas na mas mapanganib pa nga ang paglalaan ng mga military trucks at police mobiles bilang transport service dahil hindi nito masisiguro ang kalusugan at safety protocols ng mga pasahero.
“Bakit hindi tulungan ng gobyerno ang mga tsuper at mananakay na umangkop sa sinasabing new normal at health protocols sa public transport? Mahigit 2 buwan silang walang pasada at kita. Bakit pa natin pahahabain ang kanilang pagdurusa?” pahayag pa ng kongresista.
Lumilitaw aniya na ginagamit umano ng ilang transport officials ng pamahalaan ang GCQ protocols para makapasok ang mas magastos na modernong transport vehicles habang inaalis ang mga locally assembled at iconic na jeep. (Ara Romero)
-
James Delos Santos may 10 gold medal na ngayong taon
Mayroon ng 10 gold medal sa e-kata ngayong taon si Filipino karateka James Delos Santos. Nakuha nito ang ika-sampung medalya ng hindi tinanggap ng mga tournament officials ang video entry ng kaniyang katunggali mula sa South Africa. Dahil sa hind pumasa ang video ni Cerone Biagoni sa gold medal round ay […]
-
Tumanggap ng papuri sa Korean executive producer ng ‘Start-Up’: ALDEN at BEA, nagpapasalamat na nagustuhan ang Filipino adaptation ng hit series
SURPRISED ang production team ng “Start-Up Philippines” nang tumanggap sila ng papuri mula sa executive producer ng 2020 hit Korean series na “Start-Up” na si Yu Sang-Won. Kaya naman ipinalabas agad ito ng GMA Network sa ‘Chika Minute’ segment ng “24 Oras” last Tuesday, October 18. Message ni Yu Sang-Won: “We […]
-
CHINESE NATIONAL, BINARIL SA LOOB NG ELEVATOR, PATAY
NAGSASAGAWA ngayon ng manhunt operation ang Manila Police District (MPD) sa suspek na bumaril at pumatay sa isang 50-anyos na negosyanteng Chinese national sa loob ng elevator ng isang gusali sa Binondo, Manila kamakalawa ng hapon Namatay noon din ang biktima na si Wen Dun Chen, 50, negosyante at nakatira sa Mandarin Square, […]