• July 4, 2024
  • Ang Diyaryong Pinagkakatiwalaan

Kahit business course ang gustong kunin: JILLIAN, dumating na sa puntong papasukin ang medical field

NAKATUTUWA dahil makalipas ang labing-tatlong taon ay muling nagkita sina Jillian Ward at Jessica Soho.

 

Limang taon lamang si Jillian at bida sa ‘Trudis Liit’ nang nakapanayam ni Ms. Jessica ang noo’y child wonder.

 

Ngayon, at eighteen at bida sa top-rating na ‘Abot-Kamay Na Pangarap’ ng GMA ay muling nainterbyu ni Ms. Soho si Jillian sa mismong set ng kanilang drama series.

 

Napag-usapan nila ang tungkol sa edukasyon ng aktres at naikuwento ni Jillian kay Jessica na dumating na raw sa punto na naisipan niyang pasukin ang medical field.

 

“Ngayon po, naiisip ko na po siya kasi sabi po sa amin ng consultant po namin na doctor, pupuwede raw po akong mag-aral ng medicine kasi raw po yung memorization ko raw po bagay daw po sa field nila.”

 

Gumaganap si Jillian bilang si Dra. Analyn Santos sa AKNP.

 

Ibinahagi rin ni Jillian kung ano talaga ang balak niyang kunin na kurso sa kanyang college life.

 

“Pero ako po kasi gusto ko po talagang i-pursue law kapag may time na po. Pero ngayon ang course na kukunin ko is business.”

 

Mahalaga kay Jillian ang pag-aaral kahit abala sa taping para sa hit GMA medical drama series, hindi niya napabayaan ang kanyang pag-aaral.

 

Kamakailan lang, nakatapagtapos sa senior high school si Jillian at ginawaran pa siya ng highest honor.

 

Abangan pa ang mga susunod na tagpo sa Abot-Kamay Na Pangarap, mapapanood tuwing Lunes hanggang Sabado, 2:30 p.m., sa GMA Afternoon Prime.

 

***

 

HALOS dalawang taon na sa Pilipinas ang Koreanong doktor na si Dr. Young Cho na siyang nagma-may-ari at head doctor ng Hernel Korean Aesthetic Clinic.

 

Nais niyanh ipakilala at i-promote nang husto sa mga Pilipino ang Korean Aesthetic services.

 

 “I’ve been here a year and a half and the purpose of me going to the Philippines is to operate a Korean aesthetic clinic, which I believe no one ever has done before, to promote Korean aesthetic program to the Philippine market.”

 

Ang nagtulak raw sa kanya upang gawin ito ay ang matinding pagkagusto ng mga Pilipino sa mga bagay-bagay na may kaugnayan sa Korean, partikular na ang Korean drama o K-drama, bukod pa s apagkahilig ng mga Pinoy sa mga K-pop artists, maging artista man o singer, boy band man o girl group.

 

“My motivation was there is a Korean wave, culture wave is starting to boom in the Philippines and I was just trying to introduce all these Korean aesthetic programs.”

 

Dagdag naman ni Tristan Cheng na Marketing Head ng Hernel…

 

“I think the intention of Hernel is very clear, bringing in how they do it in Korea readily available here in the heart of Manila, is just…it’s a bonus for us, we all are… I would say, a part of us are patronizing Korean waves, even for food, even for entertainment, music especially, you guys know about it.

 

“And of course Filipinos are very ‘metikuloso’, if I may use that word, we are very vain when it comes to our skin, and Koreans are…if I may say, if not the best, they are the number one when it comes to taking care of their skin.

 

“So, I think it’s just good that Hernel is here, and it is an advantage for everyone, and hopefully bringing in better service by bringing in more branches to come.”

 

Si Dr. Cho ay matalik na kaibigan ng dating manager ng Korean superstar na si Hyun Bin kaya naman personal niya ring kilala si Hyun Bin at ang asawa nito.

 

Kaya tiyak na ikakatuwa ng mga Pinoy fans ni Hyun Bin na may posibilidad na dalhin ni Dr. Cho dito sa Pilipinas ang Korean superstar.

 

Ang Hernel Aesthetic Clinic ay nasa ground floor ng Seibu Tower, 26th Ave. corner 1634 Durian St, Taguig.

(ROMMEL L. GONZALES)

Other News
  • Posible kayang maging ninang nila ni Cong. Jay?: AIKO, kilig na kilig sa pagdating ni VP SARA sa party niya

    KILIG na kilig si Councilor Aiko Melendez sa pagdating sa party niya ng Bise-Presidente ng Pilipinas na si Sara Duterte.     Nag-fangirling si Aiko dahil idolo niya si Inday Sara na nagpaunlak na dumalo sa Super Sam sa imbitasyon mismo ni Aiko.     Nag-speech si Inday Sara para kay Aiko ng pagpapasalamat sa […]

  • 16 organisasyon iniuugnay sa Reds bilang ‘terror groups’

    PINANGALANAN ng Anti-Terrorism Council (ATC) ang 16 na underground organizations na iniuugnay sa Communist Party of the Philippines-New People’s Army (CPP-NPA) bilang grupong terorista.     Sa Resolution No. 288 (2022) na may petsang Enero 26 at nilagdaan ni ATC vice chairperson at National Security Adviser Hermogenes Esperon Jr., may nakitang probable cause ang ATC […]

  • QCARES+ nagpasaklolo kay Joy Belmonte

    Nanawagan ang ­Quezon City Advocates for Responsible Entertainment, Sports + Gaming and Wellness (QCARES+) kay ­Quezon City Mayor Joy Belmonte na hilingin sa Inter-Agency Task Force (IATF) na payagang magpatuloy ang business operations ng mga miyembro nito sa ilalim ng Enhanced Community Quarantine (ECQ) sa National Capital Region (NCR) na iiral sa Agosto 6.   […]