Kahit matagal na siyang freelancer actress: JUDY ANN, ipapaalam pa rin sa ABS sakaling magkaroon ng offer ang GMA

Lalo pa at sinabi ni Juday na eighty percent ng kanyang oras ay mas gusto niyang ituon sa pamilya, niya at twenty percent ay para sa acting at iba pa niyang passion tulad ng food business nila ng mister na si Ryan Agoncillo, ang Angrydobo resto.

“Yung ngayon lang sa estado ko bilang nanay, ako mismo as a person, kuntento ako sa kung saan ako nandun.

“I’m not asking for more, I’m not asking for less. I’m set on where I am.

“Gusto ko lang mas hawak ko yung proyekto ko, na ako yung nasusunod.

“Hindi dahil nagpapaka-diva ako, dahil yun lang talaga yung kaya ng powers ko,” pahayag ni Juday sa mediacon ng ‘The Diary Of Mrs. Winters’, ang horror film na nakatakda niyang i-shoot sa Canada this February at March.

Napagtanto niya na mas okay raw sa kanya ang per-project basis mapa-serye o mapa-pelikula.

“Siguro, pag simula ka umarte mula eight years old, sa pagkakataong ito, deserve ko naman na sigurong piliin yung mga proyektong gusto ko gawin.

“Kasi for most of my life, dinidiktahan ako kung anong dapat ko gawin.

“Eto lahat ng pelikula na dapat gawin, gusto ko man partner ko o hindi kailangan ko gawin, parang tapos na ako dun, napagdaanan ko na siya.

“Kung tumatangap man ako ng projects ngayon, kasi talagang gustung-gusto ko.

“Di pampalapad ng papel, kundi pampabuo ng karera ko bilang artista.”

At siyempre bilang freelancer si Judy Ann, ang million dollar question… open ba siya na magtrabaho sa GMA-7?

Bukas naman raw siya kung may offer man sa ibang TV Network.

“May mga nag-i-inquire, pero siyempre, kailangan ko muna kasi kamaduhin kung ano ba talaga kaya ng powers ko.

“At saka more than anything, it’s my deep relationship with ABS-CBN. Kung anuman meron ako with ABS, I value and treasure that.

“If ever na magkaroon man ng offer from GMA, I still have to communicate that with ABS.

“Kasi they’re working naman na together. ABS is also working with TV5.”

Alam na ng publiko ang collaboration ng ABS-CBN at GMA-7, ang ‘Unbreak My Heart’ na upcoming series nina Jodi Sta. Maria at Richard Yap, Gabbi Garcia at Joshua Garcia.

“So, wala akong nakikitang problema if in case dumating yung point na may ganung offer from other networks.

“Bukas naman ang pangkalahatan, which is a good thing. Nakakatuwa na wala nang network war, we’re all working together.

“But then again, the respect, I’d still give it to ABS kasi sa kanila ako lumaki, sa kanila ako nagsimula.

“Parang no-brainer ang relationship ko with ABS.

“Yes, may misunderstanding along the way, hindi naman maiiwasan, and I think we all learned from these things.”

Samantala, lilipad sina Judy Ann, Sam Milby at iba pa patungong Canada last week ng February para sa shooting ng ‘The Diary Of Mrs. Winters’ na isang katatakutang pelikula.

Ito ay sa direksyon ni Rahyan Carlos.

Gaganap si Juday Ann dito bilang si Charity na ang trabaho ay tagalinis ng lugar, bahay o kuwarto  na pinagkamatayan ng isang tao.

Bio-forensic cleaner ang tawag dito na sa palagay namin ay katulad ng trabaho ng bida sa napakagandang Korean series na ‘Move To Heaven.’

Nasa ‘The Diary Of Mrs. Winters’ rin si Liza Diño na matapos ang termino bilang FDCP Chair ay in full-swing muli bilang aktres.

***

NAPANOOD at nagustuhan namin ang ‘Triple Threat’s All of Me” music event ni Arman Ferrer last year kaya naman excited kami na muling mapanood ang mahusay na male balladeer sa Valentine’s Day concert niyang ‘Another Chance’ na magaganap sa BGC Performing Arts Theater sa mismong Araw ng mga Puso sa February 14 alas-otso ng gabi.

Siyempre pa, tiyak na muling aaliwin ni Arman ang kanyang audience sa pamamagitan ng kanyang mga awiting tungkol sa pag-ibig at pagmamahal.

Mix ng classical, OPM, pop, rock, love songs, novelty at sexy na mga kanta ang naka-line up sa repertoire ni Arman.

At tulad last year sa isa sa mga production number niya, maghuhubad muli kaya si Arman down to his sexy underwear? Sana!

Ang kikitain ng show ni Arman ay para sa non-governmental organization na Angat Buhay.

Ang musical director ng concert ay si Gino Cruz at ang mismong direktor ng concert ay sina Floy Quintos at ang manager ni Arman na si Noel Ferrer.

Para sa mga karagdagang detalye tungkol sa career at shows ni Arman, mag-subscribe sa kanyang YouTube, Spotify at Apple Music channels.

(ROMMEL L. GONZALES)