Kakantahin ang first Christmas song: JK, may paandar na pangangaroling sa kanyang fans
- Published on December 9, 2023
- by @peoplesbalita
TUNGKOL sa male singers ang column items natin for today.
Una ay si Juan Karlos o JK Labajo.
Paandar ang pangangaroling ni JK ngayong Pasko sa kanyang fans, huh!
At hindi ito drowing dahil tinotoo niya na sinimulan niya sa isang senior citizen na masugid na tagahanga ni JK.
Bago pa ang Disyembre ay nag-announce na si JK sa Facebook page niya na mangangaroling siya sa bahay-bahay ng mga supporters niya na ang kakantahin niya ay ang kanyang bagong Christmas song na “Maligayang Pasko” na pinakaunang kantang Pamasko ni JK.
At kailan lamang ay nag-post si JK sa kanyang Tiktok account ng video kung saan nangaroling siya sa isang lola na kitang-kitang tuwang-tuwa sa gesture ni JK at yakap-yakap pa niya ang guwapong balladeer.
Ang lola, na si Mama Luming, habang yakap si JK ay nagdayalog pa ng “Ang aking bunsong anak! Mayroon ka palang ugali…maganda ang ugali mo.”
Humirit pa si Mama Luming kay JK sa pagsasabing, “Ngayon lang ako nakakita ng ganire kagandang lalaki.”
On a different note, isa pang ganap ni JK ay ang achievement niya na ang hit song niyang “ERE” ay no. 2 sa Spotify’s Global Viral Songs at pinakaunang Pinoy song na nakapasok sa naturang chart.
***
KAPURI-PURI naman ang achievement ni Jimmy Bondoc na ngayon ay isa ng … abogado!
Isa si Jimmy sa halos apat na libong kapapasa lamang sa katatapos na bar exam para sa mga law students.
Sa Facebook account ng OPM singer-songwriter ay ipinagmalaki ni Jimmy ang kanyang bagong accomplishment.
Lahad ni Jimmy, “Nasa Aromata lang po kami the whole day, to praise God and to celebrate friendship. Everyone is welcome. 3pm to midnight, drinks, prayers, laughter. Glory to God and God alone.”
Unang nag-aral ng Law si Jimmy noong 2017 sa San Beda University at nagpatuloy naman noong 2019 sa University of the East.
Si Jimmy ang umawit ng hit na “Let Me Be The One.”
(ROMMEL L. GONZALES)
-
Mas matinding pagsabog ng Bulkang Kanlaon asahan — Phivolcs
PINAYUHAN ng Philippine Institute of Volcanology and Seislology (Phivolcs) ang mga residenteng nakatira malapit sa Bulkang Kanlaon sa Negros na maghanda at lumikas sa mas ligtas na lugar sa mga susunod na araw. Ito ay dahil sa inaasahang mas matinding pagsabog na maganap sa bulkan sa susunod na mga linggo. Ayon […]
-
Ads September 25, 2021
-
PDu30, inaprubahan ng fourfold increase” ang importasyon ng baboy para idagdag sa kakulangan ng local supply dahil sa ASF outbreaks
INAPRUBAHAN ni Pangulong Rodrigo Roa Duterte ng “fourfold increase” ang importasyon ng baboy para idagdag sa kakulangan ng local supply dahil sa African swine fever outbreaks. Ito’y base sa dokumento na ipinalabas ng Malakanyang. “Fatal to hogs but not to humans, the ASF has spread to 437 municipalities and reduced the country’s swine […]