Kamara umaasang hindi na mabi-veto ang SIM Registration Bill
- Published on September 30, 2022
- by @peoplesbalita
UMAASA ang liderato ng Kamara na hindi ma-veto ang SIM Registration Bill, matapos niratipikahan na ng Kamara ang Bicameral Conference Committee report ng panukapang SIM Registration Bill na nag-uutos na irehistro ang lahat ng Subscriber Identity Module o SIM card.
Ayon kay Speaker Romualdez, kanilang inaaasahan na ang SIM Registration Act ang kauna-unahang batas na mapipirmahan ng Pangulong Bongbong Marcos sa panahon ng kanyang panunungkulan.
Aniya, sa ipinasang bersiyon ngayon ng panukalang SIM Card Registration Act ay inalis nila ang probisyon ukol sa pagpaparehistro ng social media accounts na siyang dahilan ng pagveto noon ni dating Pangulong Rodrigo Duterte.
Binigyang-diin ni Romualdez, napapanahon na itong maisabatas bilang solusyon sa talamak na panloloko sa pamamagitan ng text messages na maaring magdulot ng trahedya sa buhay at makasira sa public order.
Sinabi ni Speaker Romualdez, kapag naisabatas ang SIM Registration Bill ay mas magiging responsable ang mga gumagamit ng Cellphone o iba pang electronic devices na may sim card.
Naniniwala kasi si Romualdez, maituturing din itong sandata ng mga alagad ng batas laban sa mga gumagawa ng krimen gamit ang telecommunication devices.
” Na-ratify ngayon ng House of Representatives ang bicameral committee report sa SIM Registration Act. Kung mara-ratify na rin ito ng Senado, maaari nang ipadala ang panukalang batas para mapirmahan ng Pangulo,” pahayag ni Speaker Romualdez.
-
QC binuksan ang mga bagong bike lanes
May mga bago at pinagandang bike lanes ang binuksan noong Linggo ang lungsod ng Quezon City sa mga pangunahing lansangan dito bilang bahagi sa pagsusulong ng active, sustainable at environment-friendly na transportasyon na laan sa mga residente at mangagawa. Inilungsad din ang proyektong ito upang maisulong ang pagbibisekleta at ng masiguro ang […]
-
Legal department ng PHILHEALTH, kailangang unahing linisin sa korapsyon -Sec. Roque
KUMBINSIDO si Presidential spokesperson Harry Roque na kailangang unahing linisin ang Legal Department ng PHILHEALTH kung gustong masugpo ang korapsiyon sa ahensiya. Ayon kay Roque, nasa nasabing departamento ang problema gayung batay sa binuong batas sa PHILHEALTH, hindi lang nagsisilbing investigator, piskal kundi executioner din ang legal department. Aniya kung nais matakpan ang isang anomalya, […]
-
Snatcher kinulata ng bystanders sa Valenzuela, kasama nakatakas
NABUGBOG na, kulong pa ang isang snatcher matapos hablutin ang cellphone ng isang pedestrian habang nakatakas naman ang kanyang kasabwat sa Valenzuela City. Kinilala ni PCpl Yves Alvin Savella ng Sub-Station-9 ng Valenzuela police ang naarestong suspek bilang si Eugin Kim Ocfemia, 27, ng Barangay Veinte Reales habang nakatakas naman ang kasama nito […]