KASO NG COVID TATAAS PA HANGGANG DECEMBER

MAY posibilidad na patuloy na tataas ang kaso ng Covid-19 sa Pilipinas hanggang Disyembre ayon sa Department of Health (DOH)

Sa press briefing nitong Martes, sinabi ni DOH Officer-in-Charge Maria Rosario Vergeire na maari pang magtuloy-tuloy ang pagtaas ng kaso ng Covid-19 sa bansa kahit hanggang nitong October, November, at December.

Ayon sa DOH, may posibilidad na ang kaso ng Covid-19 sa Pilipinas ay magpatuloy na tumaas hanggang  December.

Maaaring makakita ang Metro Manila ng higit sa 10,000 kaso ng Covid-19 sa Oktubre, ani Vergeire, na binanggit ang kamakailang projection ng Australian Tuberculosis Modeling Network (Autumn).

“Meron tayong Autumn projections. ‘Yung Autumn projections po natin, we can have as high as 10,612 cases of Covid-19 dito palang sa National Capital Region by the first week of October,” dagdag pa ng opisyal.

Sinabi niya  na ang mga projection na ito ay nakabatay sa iba’t ibang mga pagpapalagay tulad ng mababang booster shot coverage, mababang pagsunod sa minimum public health standards, mobility ng mga tao, at pagpasok ng mga variant ng Covid-19 virus.

Pero aniya ito ay projections base sa pagpapalagay.

Maaari aniyang mangyari ang mga projections na ito ngunit inaasahang  hindi dahil mayroon tayong kontrol sa dalawa sa mga pagpapalagay na ito at iyon ang uptake ng mga booster at pagsunod sa minimum public health standards.

Noong Martes, may kabuuang 2,618 bagong kaso ng Covid-19 ang naitala, batay sa tracker ng DOH Covid-19.

Ang mga bagong kaso na ito ay nagdala ng bilang ng mga aktibong impeksyon sa buong bansa sa 36,666.

Mula noong 2020, nakapagtala na ang Pilipinas ng 3,810,772 na kaso, kabilang ang 3,713, 242 ang nakarekober, at 60,864 ang namatay. (BISHOP JESUS “JEMBA” M. BASCO)