• July 13, 2024
  • Ang Diyaryong Pinagkakatiwalaan

KINASUHAN NA

INIHARAP ni Manila Mayor Francisco “Isko Moreno” Domagoso ang limang suspek, kabilang ang 4 na menor de edad na nag “trip” sa isang balloon vendor na kumalat sa social media.

 

Ang menor de edad ay sinamahan ng kanilang mga magulang na nagtungo sa Manila City Hall gayundin si Dranreb Colon, 18, ng 1464 Ilang-ilang St., Pandacan, Maynila makaraang manawagan ni Domagoso sa mga suspek na sumuko na lamang ang mga ito.

 

Ang suspek naman na si Ivan Matimatico, 19, ng 1366 Interior Burgos St., Paco, Maynila ay nakatakdang isuko ng kanyang ama habang pinaghahanap pa ang isang suspek na kinilala lamang sa alyas Axel.

 

Ang mga nasabing suspek ay mga miyembro ng “True Life Gangsta” na pawang may mga marka ng paso sa kanilang kanang kamay.

 

Ang dalawang suspek na nasa wastong gulang ay nahaharap sa kasong RA 7610 (Special Protection of Children Against Abuse, Exploitation, and Discrimination Act at Article 155 Revised Penal Code Alarms and Scandal.

 

Habang ang mga menor de edad naman na mapapatunayang may sala ay isasailalim sa kustodiya ng Manila Youth Recreational Center (MYRC) ng Manila Social Welfare and Development.

 

Nanawagan naman ang alkalde sa mga netizens partikular na ang mga nagbabanta sa mga inarestong mga kabataan na huwag nilang ilagay sa kanilang mga kamay ang hustisya na dapat makamit ng balloon vendor na si Oliver.
“Ang mali ay hindi maita-tama ng isa pang pag-kakamali.” ani Domagoso.

 

Ayon kay Mayor Isko, magsilbi sanang aral ang insidente sa mga kabataan na maging mas responsible sa mga kilos. “‘Yang joke, joke, joke niyo, maaari pala tayong makapaminsala.”

 

Pinaalalahanan din ni Domagoso ang mga kabataan na wala umanong idudulot na maganda sa kanilang buhay ang pagsali sa ‘gang’ sa halip ay maaari pa silang mapahamak dito.

 

Nabatid na nagkaroon ng kasunduan na magbibigay ang mga suspek ng kontribusyon para sa pagpapagamot ng biktima na halagang P5,000 bawat isa sa kanila ngunit nasa P2,500 pa lamang kada isa sa kanila ang nakakapagbayad.

 

Matatandaan na nito lamang nakaraang Pebrero 12 dakong alas-4:00 ng hapon sa Brgy. 842 sa Pandacan ay napagtripan ng mga suspek na sindihan at silaban ang mga itinitindang lobo ng vendor na kinilalang si Oliver Rosales na nagresulta ng pag-kakasunog ng mga lobo na kanyang itinitinda at pagkakalapnos ng ilang bahagi ng kanyang katawan. Ang tindero ay nananatiling nasa ospital. Ang naturang pangyayari ay naging viral sa social media. (Gene Adsuara)

Other News
  • CARLA, natawa sa birong pagod na ikakasal kay TOM sa November pero blooming pa rin

    MABABAGO pala ang date ng church wedding ng mga Kapuso stars na sina Carla Abellana at Tom Rodriguez.      Ang una kasi nilang announcement ay October 23 na magaganap sa Tagaytay Highlands, pero binago na nila this November, 2021.     Medyo mahirap daw na pinagsabay nila ni Tom ang work at ang pagpa-plano […]

  • Football legend Diego Maradona pumanaw na, 60

    Pumanaw na ang football legend na si Diego Maradona sa edad 60.   Ayon sa kampo nito, inatake umano sa puso ang dating Argentina attacking midfielder.   Noong nakaraang mga linggo ay inoperahan ito dahil sa blood clot sa kaniyang utak ganon din sa pagsasailalim dito sa gamutan dahil sa pagiging lango sa alak.   […]

  • ‘I-Registro’ ilulunsad ng DSWD, pagrehistro sa beneficiaries bibilis

     MAGLULUNSAD ang De­partment of Social Welfare­ and Development (DSWD) ng isang self-service regis­tration at data authentication ng mga po­tential bene­ficiaries sa pa­mamagitan ng “I-Registro”.     Ang “I-Registro” ay isang dynamic social registry (DSR) na naglalayong pa­lakasin at mapabilis ang pag-encode ng mga detalye ng bawat benepisyaryo.     “The I-Registro aims to enhance the […]