Kingstown 2 at Queensville sa Brgy. 171 Caloocan, ila-lockdown
- Published on March 22, 2021
- by @peoplesbalita
Isasailalim ng Pamahalaang Lungsod ng Caloocan sa lockdown ang Kingstown 2 at Queensville sa Barangay 171 mula 12:01am ng Lunes, March 22 hanggang 11:59pm ng Linggo, March 28, 2021.
Ayon kay Mayor Oca Malapitan, ang ipatutupad na lockdown ng pamahalaang lungsod ay bunsod ng patuloy na pagtaas ng mga kaso ng COVID-19 cases sa lugar.
Kailangan muna nating limitahan ang galaw ng mga residente sa dalawang subdivision upang hindi na lumaganap ang sakit. Sa loob ng pitong araw na lockdown ay magsasagawa tayo ng mass testing, misting at disinfecting operations,” ani alkalde.
Mamamahagi naman ng food boxes ang mga pamahalaang lungsod sa mga bahay kung kaya’t inaabisuhan ang mga residente na maglagay ng mga upuan labas ng kanilang tahanan upang mapaglagyan ng kanilang food box.
Sa kasalukuyan ay mayroong 15 kaso ng COVID-19 sa Queensville at Kingstown 2 habang may kabuuang bilang na 61 active cases naman ang Barangay 171.
As of 5pm ng March 18, 2021, umabot na sa 16,022 ang tinamaan ng COVID-19 sa lungsod, 931 dito ang active cases, 14,577 ang mga gumaling at 514 ang namatay. (Richard Mesa)
-
BI, NAGBABALA KONTRA PEKENG SOCIAL MEDIA ACCOUNTS
NAGBABALA ang Bureau of Immigration (BI) hinggil sa paglaganap ng mga pekeng social media accounts sa Facebook ang mga larawan at impormasyon ng kanilang mga empleyado gamit ang official seal ng ahensiya upang mahikayat ang publiko na makipagtransaksyon sa kanila. Ginawa ni BI Commissioner Norman Tansingco ang babala kasunod ng mga ulat na […]
-
2.99 million Filipinos, nananatiling walang trabaho
KABUUANG 2.99 million mga Pinoy ang naitalang walang trabaho sa bansa ngayong patuloy na nananatili sa 6 percent ang unemployment sa buwan ng Hunyo kumpra noong Mayo. Ang nasabing bilang ay mas mababa na kumpara noong June 2021 kung saan nasa 7.7 percent o 3.77 million ang walang trabaho. Ang mga […]
-
Pinayuhan ng netizens na mag-ingat at lumipat na lang: ANGELIKA, nakatanggap ng isang sulat na may kasamang apat na bala
NAKATATAKOT at nakaaalarma naman ang pinost ng aktres na si Angelika dela Cruz sa kanyang facebook, na kung saan pinadalhan sila ng isang sulat na may kasamang apat na bala. Caption ng Kapitana ng Brgy. Longos, “napaka dumi po talaga ng politika sa ating bansa .. yan po ang sulat at bala na pinadala […]