‘Laptop anomaly’ sa DepEd, ‘di palalagpasin
- Published on August 15, 2022
- by @peoplesbalita
HINDI palalagpasin ng Senado ang umano’y overpriced na mga laptop na binili ng Department of Education (DepEd) bunsod para maghain na ng resolusyon na nananawagan sa Senate Blue Ribbon Committee na magsagawa ng imbestigasyon tungkol dito.
Sa Proposed Senate Resolution No. 134, sinabi ni Sen. Alan Peter Cayetano na may kagyat na pangangailangan na maimbestigahan ng Senado ang naturang isyu upang makatulong sa paglikha ng batas at para alamin kung bakit natagalan ang pagbili ng mga laptop gayong dapat napabilis ang proseso sa ilalim ng Bayanihan II.
Tinukoy ni Cayetano ang Commission on Audit (COA) report noong July 29, 2022 kung saan ipinunto ng ahensya ang pagiging overpriced ng mga laptop na binili ng Department of Budget and Management Procurement Service (DBM-PS) kumpara sa unit specifications ng mga ito.
Binili ang mga laptop gamit ang P4-bilyon pondo na itinalaga para sa implementasyon ng Digital Education, Information Technology (IT) at Digital Infrastructures and Alternative Learning Modalities bilang bahagi ng Bayanihan to Recover As One o Bayanihan II Act.
Inaprubahan ang panukala noong September 11, 2020, sa panahon ni Cayetano bilang House Speaker, upang tulungan ang mga guro na makaangkop sa hybrid learning at makapagturo sa mga mag-aaral online.
Gayunpaman, nagkaroon ng siyam na buwang pagitan mula sa pag-apruba ng budget at sa mismong pagbili ng mga laptop. Naigawad ang kontratang nagkakahalaga ng P2.4 billion para sa pagbili ng mga laptop noong June 30, 2021, samantalang nasimulan na lamang ang pagbibigay ng laptop sa mga guro noong August 2021, ayon sa DepEd.
Iminungkahi rin ni Cayetano na usisain ng Senado ang “evident discrepancy” o malaking diperensya sa pagitan ng P4-billion pondo at P2.4 bilyon na presyo ng kontrata sa umano’y overpriced at malumang mga laptop na ipinamahagi sa mga guro.
Una nang naghain ng Senate Resolution 120 si Senate Minority Leader Koko Pimentel na inaatasan ang Committee on Accountability of Public Officers and Investigations na silipin ang ‘overpriced’ at ‘outdated’ na laptops para sa public school teachers. (Daris Jose)
-
6 na miyembro ng Haitian football team nawawala sa Florida
HINAHANAP na ng mga kapulisan sa Florida ang anim na miyembro ng football team ng Haiti matapos na sila ay naiulat na nawawala. Ayon sa Osceola County Sheriff office, kinilala ang mga ito na sina Oriol Jean, 18, Anderson Petit-Frere, 18, Peter Mianovich Berlus, 19, Nicholson Fontilus, 20, Stevenson Jacquet, 24 at Antone […]
-
May appreciation post sa kanyang mom and dad: GABBI, sinamantala na makapagbakasyon sa Amerika kasama si KHALIL
NAG-ANNOUNCE na si Kapuso Primetime King and host of the number one game show ng GMA-7, ang “Family Feud” sa kanilang mga avid viewers na pwede na silang makapanood ng hulaan LIVE sa Family Feud Philippines stage. Mag-register sa gmanetwork.com/FamilyFeudAudience para makasama bilang Studio Audience ngayong Saturday, September 3, 2022. Registration is open until 7:00PM […]
-
LTFRB: Mahigit sa 10,000 operators pa ang inaasahang mag consolidate ng prangkisa
INAASAHAN ng Land Transportation Franchising and Regulatory Board (LTFRB) na may mahigit sa 10,000 na mga operators ang mag consolidate pa ng kanilang prangkisa at sasali sa Public Transport Modernization Program (PTMP) ng pamahalaan. Ito ay ayon sa LTFRB matapos na muling buksan noong nakaraang Oct. 15 ang aplikasyon sa mga jeepeney drivers […]