Libreng sakay mananatili sa gitna ng welga sa transportasyon
- Published on December 1, 2023
- by @peoplesbalita
SA ISANG pahayag ng Land Transportation Franchising and Regulatory Board (LTFRB) ay sinabi ng ahensiya na patuloy pa rin na manantili ang libreng sakay na binibigay ng national at lokal na pamahalaan kapag patuloy na magkakaron ng welga ang mga public utility jeepneys (PUJs) sa Metro Manila.
“The LTFRB will coordinate with concerned agencies and local government units (LGUs) as standard operating procedure during transport strike,” wika ng LTFRB.
Pinakiusapan naman ng LTFRB na huwag pigilan at gambalin ang mga drivers ng mga PUJs na gustong pumasada kahit na may welga.
“They are making a living as they need to provide for their families and wish to help and provide transport to commuters,” saad ng LTFRB.
Nagpahayag ang LTFRB ng ganitong pakiusap matapos ang isang interview na ginawa kay Manibela president Mar Valbuena na nagsabing patuloy silang maglulunsad ng protesta upang hindi sangayunan ang deadline na binigay ng LTFRB kahapon para sa consolidation sa ilalim ng PUV Modernization Program.
Nagkaroon ng welga ang dalawang grupo ng PISTON at Manibela mula noong nakaraang Nov. 20 hanggang 24 upang iprotesta ang nasabing deadline sa consolidation sa ilalim ng PUVP ng pamahalaan.
Nakipag-usap naman sa dalawang grupo ang LTFRB kung saan napagkasunduan na aalisin ang mga penalties sa mga PUV drivers at operators, palalawigin ang validity ng prangkisa hanggang limang (5) taon, at pag-aalis ng ibang provisions sa Omnibus Franchising Guidelines (OFG) sa ilalim ng PUVMP.
Subalit sinabi ng LTFRB at Department of Transportation (DOTr) na “non-negotiable” ang deadline sa consolidation ng PUVMP. LASACMAR
-
Malakanyang, pinaboran ang pahayag ng NEDA na kakayaning makamit ng Pinas ang 2021 Economic Growth Target
PABOR ang Malakanyang sa naging pahayag ng National Economic Development Authority ( NEDA) na makakamit ng bansa ang 2021 Economic Growth kahit pa manatili sa alert level 2 ang National Capital Region (NCR) hanggang Disyembre 15. Sinabi rin ni acting Presidential Spokesperson at Cabinet Secretary Karlo Nograles na nagsalita na ang NEDA at ang […]
-
Flood control project ng MMDA nakumpleto na
NATAPOS na ngayong taon ang kabuuang proyekto sa flood control ng Metropolitan Manila Development Authority (MMDA) na una nang binanggit ng Commission on Audit (COA) na naantala noong 2021. Ipinaliwanag ni Engineer Baltazar Melgar, pinuno ng MMDA Flood Control and Sewerage Management Office (FCSMO), at kasalukuyang officer-in-charge ng MMDA, ang naka-program na 59 […]
-
Digital Logbook System, ipatutupad sa Pamahalaang Panlalawigan ng Bulacan
LUNGSOD NG MALOLOS- Matapos ang halos isang taong pagsuspinde ng paggamit ng biometrics dahil sa pandemyang COVID-19, sisimulan na ng Pamahalaang Panlalawigan ng Bulacan na ipatupad ang Digital Logbook System na kaloob ng NSPIRE Inc. sa Marso 1, 2021 para mamonitor ang pagpasok ng mga kawani. Sinabi ni Gob. Daniel R. Fernando na ang isinagawang trial ngayong araw […]