• July 19, 2024
  • Ang Diyaryong Pinagkakatiwalaan

Libreng sakay posibleng maibalik ngayong 2023

INAASAHANG maibabalik ngayong taong 2023 ang libreng sakay, ayon sa Land Transportation Franchising and Regulatory Board (LTFRB).

 

 

Ayon kay LTFRB technical division head Joel Bolano na sa kasalukuyan ay inihahanda ng Department of Transporation ang guidelines para sa libreng sakay.

 

 

“May nakalaan namang budget para rito kaya lang sa ngayon pina-finalize pa ang guidelines ng department… Pero tama kayo, baka maibalik ang free ride kaya lang kung paano ito i-implement, wala pa tayong guidelines,” dagdag pa ni Bolano.

 

 

Magugunitang una nang inihayag ni Sen. Sonny Angara na nasa P2.16 billion ang inilaan para sa programa na lubhang mababa sa P12 billion na hiniling ng DOTr.

 

 

Kaya kailangan umanong madetermina ang mga lugar na makokoberan ng free rides dahil na rin sa limitadong budget, ayon pa kay Bolano.

 

 

“Magiging dependent ito kung saan aabutin nito (budget), kung Metro Manila lang ba o kung isasama ‘yung ibang original offices natin, probinsya,” dagdag pa nito.

 

 

Magugunitang ang EDSA Bus Carousel ay nagsakay ng libre simula pa noong Nobyembre 2020 makaraang i-subsidized ng pamahalaan ang pasahe ng mga commuters dahil na rin sa nagdaang pandemya. Nito lamang unang araw ng Enero nagsimulang maningil ang busway.

 

 

Nagbabayad ang pamahalaan ng nasa P10-P12 milyon araw-araw sa concessionaires para sa may 600 hanggang 700 buses na nakakapagsakay ng nasa 400,000 pasahero. (Daris Jose)

Other News
  • Mayor Tiangco sa mga barangay executive: exceed expectations

    PINAALALAHANAN ni Navotas City Mayor John Rey Tiangco ang mga barangay executive na laging hangarin ang kahusayan sa kanilang paglilingkod sa kanilang mga nasasakupan.     Sa ginanap na Sustainable Management and Administration of Local Government through Reengineering and Use of Technology for Barangay Newly Elected Officials (SMART BNEO) Program 2023, pinangahasan ni Tiangco ang […]

  • Pinakita ang kanyang six-pack abs… MATTEO, pinaglaway ang mga accla sa social media post

    PINAGLAWAY ni Matteo Guidicelli ang mga accla sa social media nang mag-post ito sa kanyang Instagram na kita ang kanyang six-pack abs.     Kuha iyon sa pelikulang pinagbibidahan ni Matteo na ‘Penduko’ na official entry ng Viva Films sa 2023 Metro Manila Film Festival.     May nag-comment na ang suwerte raw ng misis […]

  • Sunod na BIR chief ‘kokolektahin pa rin’ estate tax ng Marcoses

    NANGAKO ang susunod na commissioner ng Bureau of Internal Revenue na kokolektahin pa rin nila ang tinatayang P203 bilyong estate tax ng pamilya Marcos na hindi pa rin bayad kahit sa ilalim ng administrasyon ni president-elect Ferdinand Marcos Jr. — aniya, kailangan nilang maging “good example.”     Ito ang banggit ni Lilia Guillermo sa […]